गुन्हे विषयक
तरुण,तरुणी गायब,कोपरगाव तालुका पोलीस ठाण्यात नोंद
न्यूजसेवा
कोपरगाव-(प्रतिनिधी)
कोपरगाव तालुक्यातील धामोरी येथील तरुणी जयश्री नामदेव अहिरे (वय-२१) हि महाविद्यालयांत जाऊन येते असे म्हणून गेली ती परत घरी आली नाही तिचा शोध घेऊनही ती मिळून आलेली नाही म्हणून तिचा पिता नामदेव सहादू अहिरे (वय-५५) यांनी कोपरगाव तालुका पोलीस ठाण्यात हरविल्याची नोंद केली आहे.तर दुसऱ्या स्वतंत्र घटनेत देर्डे चांदवड येथील तरुण जालिंदर वसंत मोरे (वय-२५) हा तरुण त्या आधी दोन दिवस गायब झाला आहे.त्यामुळे धामोरी आणि देर्डे चांदवड परिसरात खळबळ उडाली आहे.
खेळण्या-बागडण्याच्या,शिकण्याच्या वयातील कोवळी मुले-मुली प्रेमाच्या आकर्षणाला बळी पडत आहेत.टी.व्ही.मोबाईल आदींच्या प्रसाराचे काही दुष्परिणाम दिसत आहेत.कोवळ्या वयात घरून पळून जाण्याचे,संसार थाटण्याचे स्वप्न बघत असल्याचे प्रकार सर्रास घडू लागले आहेत.कोपरगाव तालुकाही त्याला अपवाद नाही.अशीच घटना कोपरगाव तालुक्यातील धामोरी व देर्डे चांदवड येथील ग्रामपंचायत हद्दीत स्वतंत्रपणे घडल्या आहे.त्याबाबत पोलीस अधिकारी तपास करत आहेत.
चोरी-दरोड्याप्रमाणे आता अल्पवयीन मुलींच्या अपहरणाच्या वाढत्या घटना पालक आणि पोलिसांसाठी चिंतेची बाब ठरत आहेत.अल्पवयीन मुलींना प्रेमाच्या जाळ्यात ओढून,फूस लावून पळवून नेण्याच्या दररोज किमान चार घटना मुंबईत घडत आहेत.विशेष म्हणजे या अपहरणांमध्ये परिचयातील किंवा परिसरातील तरुणांचा समावेश सर्वाधिक असल्याचे पोलिसांनी म्हटले आहे.खेळण्या-बागडण्याच्या,शिकण्याच्या वयातील कोवळी मुले-मुली प्रेमाच्या आकर्षणाला बळी पडत आहेत.टी.व्ही.मोबाईल आदींच्या प्रसाराचे काही दुष्परिणाम दिसत आहेत.कोवळ्या वयात घरून पळून जाण्याचे,संसार थाटण्याचे स्वप्न बघत असल्याचे प्रकार सर्रास घडू लागले आहेत.कोपरगाव तालुकाही त्याला अपवाद नाही.अशीच घटना कोपरगाव तालुक्यातील धामोरी व देर्डे चांदवड येथील ग्रामपंचायत हद्दीत स्वतंत्रपणे घडल्या आहे.
त्याबाबत मुलीच्या पित्याने आपल्या मुलीची हरविल्याची नोंद कोपरगाव तालुका पोलीस ठाण्यात दाखल केली आहे.त्यात त्यांनी म्हटले आहे की,”आपली मुलगी सोमवार दि.२० मार्च रोजी सकाळी धामोरी येथून मी,”महाविद्यालयात जाऊन येते” असे सांगून घरातून बाहेर पडली होती.मात्र सायंकाळी परत येण्याच्या नियमित वेळी ती परत आली नाही.त्यामुळे आम्ही तिचा शोध घेतला असता ती मिळून आली नाही.अखेर वैतागून हि फिर्याद दाखल केली आहे.
दरम्यान याच पोलीस ठाण्याच्या हद्दीतील दुसऱ्या घटनेत तरुण जालिंदर वसंत मोरे (वय-२५) हा शनिवार दि.१८ मार्च रोजी सकाळी १० वाजेच्या सुमारास उंबरा नदी देर्डे-चांदवड येथून हातात पिशवी घेऊन गावाकडे गेला होता.तो परत आलेला नाही.त्याचा शोध घेऊनही तो मिळून आलेला नाही.या प्रकरणी त्याच्या घरच्या मंडळींनी शोध घेऊनही तो सापडला नाही म्हणून त्याचा पिता वसंत जगन मोरे (वय-६०) यांनी कोपरगाव तालुका पोलीस ठाण्यात हरविले असल्याच्या नोंद वहीत नोंद केली आहे.
या प्रकरणी कोपरगाव तालुका पोलीस ठाण्यात पोलिसांनी आपल्या हरविल्याच्या दप्तरी नोंद अनुक्रमे क्रं.२१,२०/२०२३ अन्वये नुकतीच नोंद दाखल केली आहे.पुढील तपास पोलिस निरीक्षक वासुदेव देसले यांचे मार्गदर्शनाखाली पोलीस हे.कॉ.संदीप बोटे व पोलीस नाईक कोकाटे हे स्वतंत्रपणे करीत आहेत.
