निवडणुकीसाठी…या अभिनेत्यांची मांदियाळी !

न्यूजसेवा

कोपरगाव-(प्रतिनिधी)

   महाराष्ट्रासह देशभरातील प्रेक्षकांच्या मनावर अधिराज्य गाजवणारी व मराठी आणि हिंदी चित्रपटसृष्टीतील,सुप्रसिद्ध अभिनेत्री गिरीजा ओक आणि चला हवा येवू द्या आणि महाराष्ट्राची हास्यजत्रा फेम विनोदी कलाकार भाऊ कदम,कुशल बद्रिके,सागर कारंडे,ओंकार राऊत, प्रसाद खांडेकर,अपूर्वा गोरे, गायक रोहित राऊत,गायिका राधिका भिडे हे आदी कलाकार बुधवार दि.१७ डिसेंबर रोजी सायंकाळी 5.30 वाजता तहसील मैदानावर राष्ट्रवादीच्या उमेदवारांच्या प्रचारासाठी येत आहे.त्यासाठी मतदारांनी मोठ्या संख्येने उपस्थित रहावे असे आवाहन राष्ट्रवादीचे शहराध्यक्ष सुनील गंगूले यांनी केले आहे.

  आगामी बुधवार दि.१७ डिसेंबर रोजी सायंकाळी 5.30 वाजता तहसील मैदानावर राष्ट्रवादीचे नराध्यक्ष पदाचे उमेदवार ओमप्रकाश कोयटे यांचेसह नगरसेवक पदाच्या उमेदवारांच्या प्रचारासाठी येत आहे.त्यासाठी मतदारांनी मोठ्या संख्येने उपस्थित रहावे असे आवाहन राष्ट्रवादीचे शहराध्यक्ष सुनील गंगूले यांनी केले आहे.

    कोपरगाव नगरपरिषदेच्या निवडणुकीत राष्ट्रवादी काँग्रेस पक्षाचे नगराध्यक्ष पदाचे उमेदवार ओमप्रकाश कोयटे आणि नगरसेवक पदाचे उमेदवार यांच्या प्रचाराबरोबरच ‘महाराष्ट्राचा हास्यविनोद व संगीत कार्यक्रम’ या कार्यक्रमातून हे कलाकार कोपरगावकरांचे मनोरंजन करणार आहे अशी माहिती राष्ट्रवादी कॉंग्रेस पक्षाचे शहराध्यक्ष सुनील गंगुले यांनी दिली आहे.

  न्यायालयीन प्रक्रियेमुळे राज्यातील प्रलंबित बारा नगरपरिषदेच्या निवडणुकांचा धुराळा मोठ्या प्रमाणावर उडू लागला असून आरोप प्रत्यारोपांची राळ कोपरगावच्या आसमंतात मोठ्या प्रमाणावर उडू लागली आहे.आपल्या पक्षाचे आणि नेत्यांचे विचार मतदारांपर्यंत पोहचविण्यासाठी मोठ्या प्रमाणावर प्रयत्न सुरू झाले आहे.त्यात राष्ट्रवादीने आघाडी घेतली असल्याचे दिसून येत आहे.त्यांनी आपल्या पक्षाचे विचार पोहचवण्यासाठी लोकप्रिय अभिनेत्यांना कोपरगावात आमंत्रित केले आहे.आ.आशुतोष काळे यांनी मागील सहा वर्षात कोपरगाव मतदार संघासह कोपरगाव शहरात विकासात्मक केलेले बदल नागरीकांवर प्रतिबिंबित करण्यासाठी ही लढाई केली जात आहे.विकासाची दूरदृष्टी नसलेल्या विरोधकांच्या आडमुठे धोरणामुळे निवडणूक लांबली आहे त्याचा कोपरगावकरांना मोठा मनस्ताप सहन करावा लागला असल्याचा आरोप काळे गटाने केला आहे.या मनस्तापातून नागरीकांना थोडासा विरंगुळा मिळावा यासाठी राजकीय प्रचाराला मनोरंजनाची जोड देत महाराष्ट्रभर आपल्या विनोदी शैलीसाठी प्रसिद्ध असलेले चला हवा येवू द्या आणि महाराष्ट्राची हास्यजत्रा या लोकप्रिय कार्यक्रमातील कलाकार ‘महाराष्ट्राचा हास्यविनोद व संगीत कार्यक्रम’ या कार्यक्रमाच्या माध्यमातून त्यांच्या कलेतून कोपरगावकरांना खळखळून हसवणार आहेत.

   दरम्यान शनिवार दि.२० डिसेंबर रोजी होणाऱ्या कोपरगाव नगरपरीषदेच्या निवडणुकीच्या माध्यमातून कोपरगाव शहरामध्ये परिवर्तन घडवून आणण्यासाठी राष्ट्रवादी काँग्रेस पक्षाने प्रचारात मोठी आघाडी घेतली असल्याचा दावा केला आहे.या प्रचाराला मनोरंजनाच्या माध्यमातून अधिकचा वेग देण्यासाठी ‘महाराष्ट्राचा हास्यविनोद व संगीत कार्यक्रम’ या कार्यक्रमाचे आयोजन करण्यात आले आहे.

   नॅशनल क्रश अशी ओळख मिळविलेली प्रसिद्ध अभिनेत्री गिरीजा ओक,आणि महाराष्ट्रातील आघाडीचे विनोदी कलाकार यांचे अभिनय रंगमंचावर पाहण्याची संधी राष्ट्रवादी कॉंग्रेस पक्षाच्या वतीने कोपरगावकरांना या कार्यक्रमाच्या माध्यमातून उपलब्ध करून देण्यात आली असून या कार्यक्रमाबाबत कोपरगावकरांमध्ये मोठी उत्सुकता आहे.