कोपरगाव तालुका
डाळींबावर तेल्या रोग पडल्याने शेतकरी अडचणीत
संपादक-नानासाहेब जवरे
माहेगाव-(माणिक उगले )
काही शेतकऱ्यांनी ही फळे तोडून बाजारात नेल्या असता २० रूपये क्रेट या किमान भावात देऊन आले आहेत.काही शेतकऱ्यांनी रोजंदारीवर मजूर लावून फळे तोडून फेकून दिली असल्याचे दिसत आहे.डाळींब पिक उभारण्यावर व त्याच्या देखभालीवर शेतकऱ्यांचा मोठ्या प्रमाणात खर्च झाला आहे. त्यामुळं शेतकरी अडचणीत आले आहे. त्यात कोरोना महामारीने डाळींब बाजार अड्चणीत आल्याचे व्यापारी सांगून शेतकऱ्यांची लूट करत आहेत.त्यामुळे शेतकरी मोठ्या संकटात सापडला आहे.त्याला आधार देण्याची गरज निर्माण झाली आहे.
डाळींब शेतकरी मागील वर्षी सूरेगाव सजेतील विम्या पासून वंचित राहिले आहे.ही सजा व शेतकरी विमा न मिळाल्याने थकले आहेत व या वर्षी तेल्यामुळे अडचणीत आला आहे. डाळींब शेतकरी सावरावे या साठी सरकारने या शेतकऱ्या चा बागेचे पंचनामे करून मदत द्यावी अशी सरकारला विनंती अशी मागणी कोळपेवाडी येथील प्रगतशील शेतकरी व कर्मवीर शंकरराव काळे सहकारी साखर कारखान्याचे माजी संचालक डाळींब उत्पादक शेतकरी कचरू पाटील कोळपे यांनी दिली आहे.
