न्यायिक वृत्त
‘त्या’ महिलेस अखेर पोलीस कोठडी,कोपरगाव तालुक्यातील घटना
न्यूजसेवा
कोपरगाव-(प्रतिनिधी)
कोपरगाव तालुक्यातील कारवाडी येथील दंडवते वस्ती येथील रहिवासी शेतमजूर असलेले जोडप्यात झालेल्या भांडणातून महिलेने पोटाचा मुलगा शिवम सुरज माळी (वय-५ महिने) यास गळा दाबून खून केल्या प्रकरणातील आरोपी महिला गायत्री माळी हिला कोपरगाव येथील प्रथम वर्ग न्यायदंडाधिकारी न्या.एस.एम.बन्सोड यांनी दोन दिवसांची पोलीस कोठडी सूनावली असल्याची माहिती तालुका पोलिसांनी दिली आहे.
दरम्यान सदर आरोपी महिलेस तालुका पोलीस ठाण्याचे पोलीस उपनिरीक्षक तुषार धाकराव यांनी अटक करून तिला कोपरगाव येथील प्रथम वर्ग दंडाधिकारी न्या.एस.एम.बन्सोड त्यांचे समोर हजर केले असता दोन्ही बाजूंचा युक्तिवाद ऐकून त्यांनी आरोपी माहिलेस दोन दिवसांची म्हणजेच दि.२२ फेब्रुवारी पर्यंत पोलीस कोठडी सुनावली आहे.
कोपरगाव तालुक्यातील कारवाडी येथील दंडवते वस्ती येथील रहिवासी असलेले शेतमजूर असलेले जोडपे यांचे घरगुती कारणावरून पती पत्नीत वारंवार कुरबुरी होत होत्या.त्यातील आरोपी महिलेचे हे दुसरे लग्न होते.त्यामुळे गत काळातील अनैतिक संबंधांच्या कारणावरून त्यांच्यात दि.१९ फेब्रुवारी २०२३ रोजी दुपारी १२ वाजेच्या सुमारास चांगलेच कडाक्याचे भांडण झाले होते.त्यात त्यांच्या पती-पत्नीचे भांडण झाल्यावर पती बाहेर काही कामानिमित्त सदर गेल्यावर सदर महिलेने तिने त्याचा राग आपल्या लहानग्या बालकावर काढला होता.त्यातून तिने आपल्या लहान बालकांचा नवऱ्याच्या पश्चात गळा दाबून खून केला होता.त्या नंतर आपला खून पचविण्यासाठी त्यास सुधाकर दंडवते यांच्या नजीकच्या विहिरीत फेकून दिले होते.
दरम्यान तिने नंतर साळसुदपणाचा आव आणत आपला बचाव करण्यासाठी,”आपल्या बालकास दाढीवाल्या दोन इसमांनी पळवून नेले असल्याचे कुभांड रचले होते.मात्र हा बनाव फार काळ टिकला नाही पती घरी आपल्यावर त्याचे बिंग फुटले आहे.त्यातून सदर महिलेचा पती सुरज माळी याने या प्रकरणी त्याची पत्नी गायत्री माळी हिच्या विरुद्ध कोपरगाव तालुका पोलीस ठाण्यात धाव घेऊन त्यांच्या दप्तरी गु.नोंद क्रं.०६/२०२३ भा.द.वि.कलम ३०२,२०१अन्वये काल गुन्हा दाखल केला होता.
दरम्यान सदर महिलेस पोलीस उपनिरीक्षक तुषार धाकराव यांनी अटक करून तिला कोपरगाव येथील प्रथम वर्ग दंडाधिकारी न्या.एस.एम.बन्सोड त्यांचे समोर हजर केले असता दोन्ही बाजूंचा युक्तिवाद ऐकून त्यांनी आरोपी माहिलेस दोन दिवसांची म्हणजेच दि.२२ फेब्रुवारी पर्यंत पोलीस कोठडी सुनावली आहे.पुढील तपास पोलिस निरीक्षक दौलतराव जाधव यांचे मार्गदर्शनाखाली पोलीस उपनिरीक्षक तुषार धाकराव हे अधिकारी हे करीत आहेत.
