कू.पवार हिचे सिलंबन स्पर्धेत मोठे यश !

जाहिरात-9423439946

न्युजसेवा

कोपरगाव -(प्रतिनिधी)

    कर्मवीर शंकरराव काळे एज्युकेशन सोसायटी संचलित गौतम पब्लिक स्कूलची इयत्ता नववीची विद्यार्थिनी कु.वैष्णवी ज्ञानेश्वर पवार हिने राज्यस्तरीय शालेय सिलंबम स्पर्धा (१७ वर्ष मुली वयोगट) जिंकून शाळेचा सन्मान वाढवला असल्याची माहिती शाळेचे प्राचार्य नूर शेख यांनी दिली आहे.तिचे सर्वत्र अभिनंदन होत आहे.

   सदर प्रसंगी स्पर्धेची विजेती वैष्णवी व तिचे पालक विनोद पवार यांचा शाळेचे प्राचार्य नूर शेख व रईसा शेख यांच्या हस्ते सत्कार करण्यात आला आहे.यावेळी सर्व हाऊस मास्टर्स उपस्थित होते.राज्यस्तरीय शालेय सिलंबम स्पर्धा २८ ते ३० एप्रिल २०२५ दरम्यान निमगाव कोऱ्हाळे,शिर्डी येथे पार पडली.या स्पर्धेत राज्यभरातून विविध विभागातील १५० स्पर्धक सहभागी झाले होते. कु. वैष्णवी पवार हिने आपल्या कौशल्यपूर्ण व नेत्र दीपक खेळाचे प्रदर्शन करून विजेतेपद पटकावले.

गौतम पब्लिक स्कूलमध्ये शाळेचे प्राचार्य नूर शेख यांच्या मार्गदर्शनाखाली क्रिकेट,हॉकी,फुटबॉल,बास्केटबॉल,हॉलीबॉल,बेसबॉल आदी खेळांचे व्यवसायिक प्रशिक्षण दिले जाते.त्या कामी आवश्यक आत्याधुनिक सोयी-सुविधा संस्थेचे मॅनेजमेंट उपलब्ध करून देत असल्याची माहिती त्यांनी दिली आहे.तिच्या या यशाचे संस्थेचे अध्यक्ष माजी आ.अशोक काळे,संस्था विश्वस्त आ.आशूतोष काळे,सचिव चैताली काळे,उपाध्यक्ष छबुराव आव्हाड,सर्व संस्था संचालक तिचे प्रशिक्षक इसाक सय्यद,गौरी बारवकर आदींनी अभिनंदन केले आहे.