जाहिरात-9423439946
जनशक्ती न्यूजसेवा
कोपरगाव-(प्रतिनिधी)
कोपरगाव शहर व तालुक्यात शहरातील अनेक मान्यवरांना कोरोनाने गाठले असताना आज कोपरगाव तालुक्यात एकूण ४४ अँटीजन रॅपिड टेस्ट करण्यात आल्या असून त्यात ०४ रुग्ण बाधित आढळले आहे तर नगर तेथून आलेल्या अहवालात एकही बाधित नाही तर खाजगी तपासणीत ०२ असे एकूण ०६ रुग्ण बाधित आढळले असून उपचारानंतर १० जणांना घरी सोडून दिले आहे.मात्र आज आलेल्या अहवालात सात महिन्यानंतर शहरातील एकही रुग्ण बाधित आढळला नसल्याची माहिती दिली असल्याची माहिती कोपरगाव ग्रामीण रुग्णालयाचे आरोग्य अधिकारी कृष्णा फुलसौन्दर यांनी दिली आहे.
नगर जिल्ह्यात बाधित रुग्णांचा आकडा ५३ हजार ४०७ जाऊन पोहचला आहे.तर आता पर्यंत ८१८ जणांनी आपले प्राण देऊन किंमत चुकवली आहे.कोपरगाव तालुक्यातील गत तीन दिवसातील तीन रुग्ण धरून ३७ जणांना आपले प्राण गमवावे लागले आहे.गत काळात ग्रामीण भागात अधिक प्रमाणावर रुग्ण होते आता मात्र ते कमी झाले आहे.हि समाधानाची बाब आहे.
आज आलेल्या यादीत शहरात निच्चांकी म्हणजेच एकही रुग्ण बाधित आढळला नाही असे सात महिन्यांनी प्रथम घडले आहे.तर ग्रामीण भागात सहा रुग्ण आढळले असून त्यात विक्रमी भोजडे ग्रामपंचायत हद्दीत चार रुग्ण असून त्यात दोन महिला वय-२१,३८,व दोन पुरुष वय-२१,४५ तर मळेगाव थडी येथे एक महिला वय-४३ तर माहेगाव देशमुख येथे अन्य एक महिला वय-३६ यांचा समावेश आहे.तरी एकूण शहरात शून्य तर ग्रामीण भागातील किमान रुग्ण संख्या पाहता रुग्ण संख्या कमी झाल्याने नागरिकांत समाधान व्यक्त केले आहे.
दरम्यान आज कोपरगाव तालुक्यात एकूण बाधित रुग्णांची संख्या ०२ हजार ०९६ इतकी झाली आहे.त्यात २८ रुग्ण सक्रिय आहेत,तर आज पर्यंत ३७ जणांचे कोरोना साथीने निधन झाले आहे.आजपर्यंत कोपरगाव तालुक्याचा मृत्युदर १.७६ टक्के आहे.आतापर्यंत ११ हजार ९२१ जणांचे श्राव तपासले आहेत यातून बाधित रुग्णांचा दहा लाखाला ४७ हजार ६८४ इतका आढळला आहे.तर बाधित रुग्ण दर १७.५८ असा आढळला आहे तर आतापर्यंत कोरोनातून उपचारानंतर बरे झालेल्या रुग्णाची संख्या ०२ हजार ३१ इतकी झाली आहे.टक्केवारीत हा दर ९६.८९ टक्के झाला आहे.दरम्यान ग्रामीण व शहरी भागातील बाधित आकडेवारी कमी झाल्यामुळे नागरिकांत समाधान निर्माण झाले आहे. तरी मात्र नागरिकांनी आगामी काळात प्रतिबंधात्मक उपायाबाबत अजून दक्षता घेतल्यास रुग्ण वाढ रोखता येईल असा विश्वास तालुका वैद्यकीय अधिकारी डॉ.संतोष विधाते यांनी शेवटी म्हटले आहे.
