कोपरगाव तालुका
कोपरगाव पालिकेस नूतन मुख्याधिकारी मिळाले हो…
न्यूजसेवा
कोपरगाव-(प्रतिनिधी)
कोपरगाव नगरपालिकेतील मुख्याधिकारी प्रशांत सरोदे यांची जळगाव जिल्ह्यात अमळनेर नगरपरिषदेत बदली झाल्यानंतर आज तब्बल दीड महिन्यानंतर कोपरगाव नगरपालिकेस नूतन मुख्याधिकारी शांताराम गोसावी यांची नेमणुकीचा आदेश निघाला आहे.त्यामुळे कोपरगाव शहरातील प्रलंबित कामे निकाली निघण्यास मदत होणार आहे.याबाबत नगराध्यक्ष विजय वहाडणे यांनी समाधान व्यक्त केले आहे.
या पूर्वी या बदनामीमुळे राज्यातील पालिकांना नको असलेले मुख्याधिकारी कोपरगाव पालिकेस देण्यात आले होते,व त्याचा विनाकारण भुर्दंड नागरिकांना सहन करावा लागला होता.हा अनुभव फार जुना नाही.त्याचे चटके कर भरणाऱ्या नागरिकांनी सोसले आहे.त्यामुळे या बदली प्रक्रियेसाठी नागरिकांचे लक्ष लागले होते.मात्र कोपरगाव नगरपरिषद मुख्याधिकारी या पदासाठी शांताराम गोसावी हे गृहस्थ त्या साठी तयार झाले आहे.हि समाधान देणारी बाब आहे.
कोपरगाव नगरपरिषदेचे मुख्याधिकारी प्रशांत सरोदे यांची कार्यकाळ पूर्ण झाल्याने नुकतीच जळगाव जिल्ह्यातील अमळनेर नगरपरिषदेत बदली झाली होती.तेंव्हापासून हि जागा रिकामीच होती.प्रभारी पदभार हा शिर्डी नगरपंचायतीचे मुख्याधिकारी श्री.डोईफोडे यांचेकडे सोपवले होते.दरम्यान दि.२२ जुलै रोजी कोपरगाव शहरात डोईफोडे यांच्या कार्यकाळात पूनम चित्रपट गृहासमोरील अतिक्रमण काढण्याच्या कारणावरून उपमुख्याधिकारी सुनील गोर्डे यांना सेनेच्या काही पदाधिकारी व नगरपरिषेदेचे माजी पदाधिकारी व त्यांच्या सात सहकाऱ्यांनी मारहाण केली होती.त्यावरून नगरपरिषद अधिकारी व कर्मचारी संघटनेने राज्यभर आंदोलन केले होते.त्यातून पालिकेबाबत चुकीचा संदेश गेला होता.त्यामुळे आधीच सरकारी अधिकारी व कर्मचारी यांच्या साठी बदनाम झालेल्या कोपरगाव नगरपरिषदेत कोणी अधिकारी येईल का ? असा गंभीर सवाल निर्माण झाला होता.या पूर्वी या बदनामीमुळे राज्यातील पालिकांना नको असलेले मुख्याधिकारी देण्यात आले होते,व त्याचा विनाकारण भुर्दंड नागरिकांना सहन करावा लागला होता. हा अनुभव फार जुना नाही.त्याचे चटके कर भरणाऱ्या नागरिकांनी सोसले आहे.त्यामुळे या बदली प्रक्रियेसाठी नागरिकांचे लक्ष लागले होते.मात्र कोपरगाव नगरपरिषद मुख्याधिकारी या पदासाठी शांताराम गोसावी हे गृहस्थ त्या साठी तयार झाले आहे.त्यांनी पूर्वी धुळे महानगरपालिका येथे मुख्याधिकारी सहाय्यक आयुक्त या पदावर कार्य केले आहे.आज महाराष्ट्र शासन नगर विकास विभागाचे अवर सचिव सचिन सहस्रबुद्धे यांनी या आदेशावर सही केल्याने अनेकांचा जीव भांडयात पडला आहे.त्यांच्या आदेशान्वये कोपरगाव नगरपालिका येथे मुख्याधिकारी या पदावर बदली करण्यात आली असून त्यांना कोपरगाव येथे रुजू होण्याचे आदेश देण्यात आले आहे.त्याला नगरपरिषदेचे अध्यक्ष विजय वाहाडणे यांनी दुजोरा दिला आहे.या आधी नगरपरिषदेचे तीन वर्ष प्रशांत सरोदे यांनी चोख काम केले आहे.आता कोपरगाव नगरपालिकेला नूतन मुख्याधिकारी मिळाल्याने शहर विकासाचे प्रलंबित प्रश्न मार्गी लागण्यास मदत मिळणार आहे.
