जाहिरात-9423439946
जाहिरात-9423439946
कोपरगाव तालुका

शिवसैनिकांना शासकीय समितींवर काम करण्याची संधी द्या-मागणी

जाहिरात-9423439946

जनशक्ती न्यूजसेवा

कोपरगाव-(प्रतिनिधी)

अनेक वर्षांपासून ग्रामीण भागातील शिवसैनिक सत्तेच्या विरोधात लढा देत आला आहे त्याला मूळ प्रवाहात घेऊन आता जिल्हानिहाय विविध शासकीय समितींवर काम करण्याची संधी द्यावी, अशी महत्वपूर्ण मागणी शिवसेनेचे जिल्हा संपर्कमंत्री तथा महाराष्ट्र राज्याचे कृषिमंत्री दादा भुसे यांच्याकडे शिवसेनेचे कार्यकर्ते मुकुंद सिनगर यांनी नुकतीच भेट घेऊन केली आहे.

राज्यात सत्तेत आणून महत्वपूर्ण भूमिका निभावणाऱ्या जिल्ह्यातील शिवसैनिकांना मूळ प्रवाहात सामावून घेऊन आपापल्या योग्यतेप्रमाणे शासकीय समितींवर काम करण्याची संधी द्यावी”-मुकुंद सिनगर,जिल्हा प्रमुख ग्राहक मंच शिवसेना कक्ष.

सिनगर यांनी याबाबत दिलेल्या निवेदनात पुढे म्हटले आहे की,”शिवसेनेचे पक्षप्रमुख उद्धव ठाकरे हे महाराष्ट्र राज्याचे मुख्यमंत्री झाल्याने शिवसैनिकांच्या अपेक्षा उंचावल्या आहेत.मुख्यमंत्री महोदयांकडून कोविड-१९ चा वाढता प्रादुर्भाव रोखण्याबरोबरच महाराष्ट्र राज्यातील जनतेप्रती अनेक विकासकामांना प्राधान्य दिले जात असल्याने आपल्या नेतृत्वाबद्दल सामान्य शिवसैनिकांकडून मोठा आदर व आनंद व्यक्त होत आहे.त्यामुळेच अहमदनगर जिल्ह्यातील शिवसैनिकांच्या वतीने नुकतीच जिल्ह्याचे संपर्कप्रमुख आ.नरेंद्र दराडे यांच्या मार्गदर्शनाखाली जिल्ह्याचे संपर्कमंत्री तथा महाराष्ट्र राज्याचे कृषिमंत्री दादा भुसे यांची भेट घेऊन कृतज्ञता व्यक्त करण्यासाठी वेळ मागितला आहे.शिवसेनेच्या “विकेल ते पिकेल” या धोरणाची यशस्वीपणे अंमलबजावणी करणाऱ्या कृषिमंत्री भुसे यांच्या कर्तृत्व आणि नेतृत्व यामुळे शेतकरी वर्गात अत्यंत समाधानकारक वातावरण असल्याने अहमदनगर जिल्ह्याचे संपर्कमंत्री म्हणून शिवसैनिकांना अभिमान आहे.त्यामुळे आता सत्तेचा कणा असणाऱ्या जिल्ह्यातील शिवसैनिकांना मूळ प्रवाहात सामावून घेऊन आपापल्या योग्यतेप्रमाणे शासकीय समितींवर काम करण्याची संधी द्यावी” अशी आग्रही मागणी सिनगर यांनी शेवटी केली आहे.

याशिवाय श्री साईबाबा संस्थान, शिर्डी व जिल्ह्यातील पदाधिकारी निवड हे महत्वाचे विषय अनेक दिवसांपासून प्रलंबित असून याबाबतही आपण गांभीर्याने लक्ष घालण्याबाबत विनंती करण्यात आली आहे. यावेळी श्री सिनगर यांच्यासह सुनिल गिते,अशोक पवार,जयराम कदम आदी शिवसैनिक उपस्थित होते.

जाहिरात-9423439946

Related Articles

Leave a Reply

Your email address will not be published.

Close
Close