कोपरगाव तालुका
कोपरगावात अवैध गाईंची वाहतूक,दोन लाखांचा ऐवज जप्त
संपादक-नानासाहेब जवरे
कोपरगाव(प्रतिनिधी)
कोपरगाव शहरात संभाजी चौकात जवळ धारणगाव रस्त्यावर कोपरगाव शहर पोलिसांनी एका टाटा एस टेम्पो (क्रं-एम.एच.बारा,डी.5251)अवैध गायीची वाहतूक करतांना आढळला असून कोपरगाव शहर पोलिसांनी इरफान खालिद कुरेशी (वय-25)रा.संजयनगर,कोपरगाव याचे विरुद्ध गुन्हा दाखल केला आहे.सदरचे सविस्तर वृत्त असे कि,कोपरगाव शहर पोलिसांना गुप्त खबऱ्यामार्फत खबर मिळाल्याने कोपरगाव शहर पोलिसांनी धारणगाव रस्त्यावर सापळा लावला त्या नुसार आरोपी नुकताच सदर रस्त्याने सायंकाळी साडेसहाच्या सुमारास आपल्या वाहनाने जरशी गाय घेऊन जात असतांना सदर गायींना वेदना होतील अशा पद्धतीने विनापरवाना घेऊन जात होता पोलिसांनी त्याला हटकले व त्यास थांबण्यास भाग पाडले व त्याचे ताब्यातील सुमारे दीड लाख रुपयांचा टाटा कंपनीचा टेम्पो ,वीस हजार रुपये किमतीची एक जरशी गाय ,पंधरा हजार रुपये किमतीची एक कालवड,दहा हजार रुपये किमतीची आणखी एक काळे पांढरे ठिपके असलेली गाय असा एकूण एक लाख पंचांन्नो हजार रुपयांचा ऐवज जप्त केला आहे. शहर पोलीस ठाण्याचे पो.हे. कॉ.आशिष मैन्द यांनी आरोपी विरुद्ध गु.र.न.302 प्राणी संरक्षण अधिनियम 1995 चे कलम 5(ब ),9 व प्राण्याचा छळ प्रतिबंधक 1960 चे कलम 11(1 ),ह प्रमाणे आरोपी इरफान कुरेशी याचे विरुद्ध गुन्हा दाखल केला आहे. पुढील तपास पोलीस निरीक्षक राकेश मानगावकर यांचे मार्गदर्शनाखाली पो.हे.कॉ.दत्तात्रय तिकोणे हे करीत आहेत.)
