जाहिरात-9423439946
विशेष दिन

भारतीय संविधानातील महिला सबलीकरणाचा अर्थ समजून घ्यावा-न्या.कोऱ्हाळे

जाहिरात-9423439946

न्यूजसेवा
कोपरगाव-(प्रतिनिधी)

भारताचे संविधान हे सर्वसमावेशक असून प्रत्येकाने महिला सबलीकरणाचा अर्थ समजून घ्यावा.संविधानाने सर्वसामान्यांना आपले अधिकार दिले असल्याचे प्रतिपादन कोपरगांव जिल्हा न्यायाधीश-१ व तालुका विधी सेवा समितीचे अध्यक्ष जिल्हा न्यायाधीश सयाजीराव को-हाळे यांनी कोपरगाव येथील एका कार्यक्रमात बोलताना केले आहे.

“संविधानाने काय दिले यांचे अवलोकन केले तरी स्वातंत्र्याच्या अमृत महोत्सवाचा अर्थ कळेल.सर्व सामर्थ्य वापरून महिलांनी बाहेर पडावे.आपला हक्क आणि आपल्या हिमतीवर पाय रोवून उभे रहा.संविधान तुमचे सोबत आहे”-भगवान पंडित,न्यायमूर्ती,सहदिवाणी न्यायाधीश (वरिष्ठस्तर-३) कोपरगाव.

कोपरगाव तालुका विधी सेवा समिती व डॉ.सी.एम.मेहता कन्या विद्या मंदिर यांचे संयुक्त विद्यमाने भारतीय संविधान दिनाचे आयोजन करण्यात आले होते.त्यावेळी प्रमुख पाहुणे म्हणून श्री.को-हाळे बोलत होते.

सदर प्रसंगी जिल्हा न्यायाधीश-२भुजंगराव पाटील,सहदिवाणी न्यायाधीश (वरिष्ठस्तर-३) भगवान पंडित,दिवाणी न्यायाधीश (कनिष्ठस्तर) स्मिता बनसोड,कोपरगाव वकील संघाचे अध्यक्ष शिवाजी खामकर,जिल्हा सरकारी वकील ॲड.अशोक वहाडणे,सहाय्यक सरकारी वकील अशोक टुपके,डॉ.सी.एम.मेहता कन्या विद्यालयाच्या प्राचार्य मंजुषा सुरवसे,‌छत्रपती वनश्री सुशांत घोडके,पोलीस उपनिरीक्षक रोहिदास ठोंबरे,उपमुख्याध्यापक रावसाहेब शिंदे,न्यायालयीन कर्मचारी संघटनेचे राज्य सचिव व अहमदनगर जिल्हा अध्यक्ष बंडू बडे,सागर नगरकर,वकील संघाचे ॲड.मनोज कडू,ॲड.सुरेश मोकळं,ॲड.नितीन गंगावणे,ॲड.गणेश मोकळ,ॲड.करुणा सोनवणे,ॲड.सुषमा भोसले यांचे सह शाळेचे शिक्षक व विद्यार्थीनी उपस्थित होत्या.

या प्रसंगी न्यायाधिश श्री.को-हाळे पुढे बोलताना म्हणाले की,”संविधानाने मुलांसोबत मुलींनाही समानतेचे हक्क दिले आहे.मुलगी झाली म्हणजे कुटुंबाला जबाबदारी का वाटते.शैक्षणिक,क्रीडा,सांस्कृतिक क्षेत्रात मुली व महिला दैदिप्यमान कामगिरी करत आहेत.माजी पंतप्रधान इंदिरा गांधी,माजी राष्ट्रपती प्रतिभाताई पाटील,विद्यमान राष्ट्रपती द्रौपदी मुर्मु यांचे सारखी असंख्य उदाहरणे आपल्या समोर आहेत.पालक मोठ्या जबाबदारीने पाल्याचे शिक्षण करतात.शालेय शिक्षणात मुलींनी अभ्यासिकावर लक्ष केंद्रित करणे आवश्यक आहे.मोबाईलचा वापर गरजेपुरता असून सोशल मीडिया माध्यमातून अज्ञानपणात होणा-या चुका टाळायला हव्यात.

या प्रसंगी वकील संघाचे अध्यक्ष खामकर,जिल्हा सरकारी अभियोक्ता अशोक वहाडणे,सहाय्यक अभियोक्ता अशोक टुपके यांनी आपले मनोगत व्यक्त केले आहे.

शहरातून संविधान जनजागृती फेरीचे आयोजन करण्यात आले होते.फेरी दरम्यान छत्रपती शिवाजी महाराज व भारतरत्न डॉ.बाबासाहेब आंबेडकर यांचे पुतळ्यास अभिवादन करण्यात आले.उपस्थित मान्यवरांचे हस्ते भारतरत्न डॉ.बाबासाहेब आंबेडकर यांचे प्रतिमेचे संविधानाचे पुजन करुन संविधान प्रस्ताविकाचे सामुदायिक वाचन करण्यात आले.संविधान दिनानिमित्त विद्यालयाचे प्रांगणात संविधान दिनानिमित्त वृक्षारोपण करण्यात आले आहे.

कार्यक्रमाचे प्रास्ताविक डॉ.सी.एम.मेहता कन्या विद्यालयाच्या प्राचार्य मंजुषा सुरवसे यांनी केले.सूत्रसंचालन किरण चांदगुडे यांनी केले तर उपस्थितांचे आभार प्रविण निळकंठ यांनी मानले आहे.

कार्यक्रम यशस्वीतेसाठी गितांजली गायकवाड,वेनूगोपाळ अकलोड,सविता साबळे,मनोहर म्हैसमाळे,संजय गावित्रे,अरुण बोरणारे,दिपक भोये यांचेसह सर्व शिक्षक-शिक्षकांनी परिश्रम घेतले.

Related Articles

Leave a Reply

Your email address will not be published. Required fields are marked *

Close