धार्मिक
कारखाना स्थळावर…या नेत्याच्या हस्ते श्री गणेशाची स्थापना
न्यूजसेवा
कोपरगाव-(प्रतिनिधी)
कर्मवीर शंकरराव काळे कारखाना कार्यस्थळावर सालाबादप्रमाणे याहीवर्षी कोसाका सांस्कृतिक व शैक्षणिक मंडळाच्या वतीने गणेशोत्सवानिमित्त कारखान्याचे चेअरमन आ.आशुतोष काळे यांच्या हस्ते विधिवत पूजन करून श्री गणेशाची स्थापना करण्यात आली असून या मंडळाचे हे ६९ वे वर्ष आहे.
पौराणिक मान्यतेनुसार भगवान गणेश ही प्रथम पूज्य देवता आहे.असे मानले जाते की,”श्रीगणेशाची आराधना केल्याने सुख,समृद्धी,बुद्धिमत्ता आणि शक्ती इत्यादींचा आशीर्वाद मिळतो.दरवर्षी भाद्रपद महिन्यातील शुक्ल पक्षातील चतुर्थी तिथीला भगवान गणेशाचा जन्मोत्सव मोठ्या थाटामाटात साजरा केला जातो त्याला कोपरगाव तालुका अपवाद नाही.कर्मवीर काळे सहकारी साखर कारखान्यावर श्री गणेशाची स्थापना मोठ्या उत्साहात करण्यात आली आहे.
कर्मवीर शंकरराव काळे कारखाना कार्यस्थळावर दरवर्षी कोसाका सांस्कृतिक व शैक्षणिक मंडळाच्या वतीने गणेशोत्सव विविध धार्मिक,सांस्कृतिक व मनोरंजनाचे कार्यक्रम आयोजित करून मोठ्या उत्साहात साजरा केला जातो.परंतु यावर्षी जिल्ह्यासह कोपरगाव मतदार संघामध्ये पावसाचे प्रमाण अत्यंत कमी असल्यामुळे दुष्काळजन्य परिस्थिती निर्माण झालेली आहे.त्या पार्श्वभूमीवर यावर्षी सामाजिक बांधिलकी जपत आ.काळे यांच्या सूचनेनुसार कोसाका सांस्कृतिक व शैक्षणिक मंडळाच्या वतीने यावर्षी साध्या पध्दतीने गणेशोत्सव साजरा होणार आहे.
सदर प्रसंगी प्र.कार्यकारी संचालक सुनील कोल्हे,सचिव बाबा सय्यद,सहसचिव संतोष शिरसाठ,मुख्य रसायन तज्ञ निवृत्ती गांगुर्डे,सुर्यकांत ताकवणे,अर्थ व्यवस्थापक सोमनाथ बोरनारे तसेच विविध खात्यांचे प्रमुख पदाधिकारी उपस्थित होते
