गुन्हे विषयक
कोपरगाव तालुक्यात अवैध वाळू चोरी,चार वाहनांसह नऊ लाखांचा ऐवज जप्त
न्यूजसेवा
कोपरगाव-(प्रतिनिधी)
कोपरगाव तालुक्यातील गोदावरी नदी पात्रातून अवैध वाळू उपसा करण्यास जिल्हाधिकाऱ्यांचा प्रतिबंध असतानाही सांगवी भुसार ग्रामपंचायत हद्दीत स्मशान भूमीनजीक अवैध रित्या तीन ट्रॅक्टर वाळू उपसा करताना आढळून आल्याने कोपरगाव तालुका पोलिसानी मोठी कारवाई करून तीन ट्रॅक्टर ट्रॉलीसह ०८ लाख ९० हजारांचा ऐवज जप्त केला असून त्याच गावातील आरोपी नयन दिलीप गायकवाड (वय-२७),संजय चांगदेव कासार (वय-४२),सचिन मंडलिक थोरात (वय-३५)आदी तिघांविरुद्ध गुन्हा दाखल केला आहे.त्यामुळे या मोठ्या कारवाईने वाळूचोरांत खळबळ उडाली आहे.
गुप्त खबरीवरून कोपरगाव तालुका पोलिसानी त्या ठिकाणी दि.०५ जुलै रोजी दुपारी ०१.२५ वाजेच्या सुमारास धाड टाकली असता आरोपी नयन दिलीप गायकवाड,संजय चांगदेव कासार,सचिन मंडलिक थोरात आदी तिघांनी संगनमताने स्वतःचे आर्थिक फायद्यासाठी सांगवी भुसार गावचे जवळील स्मशान भूमीजवळ गोदावरी नदीपात्रातील दोन ब्रास शासकीय वाळू विनापरवाना बेकायदेशीरपणे तीन विविध ट्रॅक्टरच्या साहाय्याने चोरुन नेताना आढळून आले आहे.त्या तिघांना पोलिसानी अटक केली आहे.
सदरचे सविस्तर वृत्त असे की,”देशभरासह कोपरगाव तालुक्यात वर्तमानात कोरोना साथीचे थैमान सुरु आहे.तालुका प्रशासन या साथीचा प्रतिबंध करण्यास प्रयत्नशील असताना वाळूचोरांनी आपली हाथ की सफाई दाखविण्यास प्रारंभ केला आहे.अशीच घटना नुकतीच सांगवी भुसार ग्रामपंचायत हद्दीत घडली आहे.कोपरगाव तालुका पोलीस अधिकाऱ्यांना गुप्त खबऱ्या मार्फत खबर मिळाली की,सांगवी भुसार या शिवारात गोदावरी नदीपात्रात मोठ्या प्रमाणावर अवैध वाळू उपसा सुरु आहे.त्या खबरीवरून तालुका पोलिसानी त्या ठिकाणी दि.०५ जुलै रोजी दुपारी ०१.२५ वाजेच्या सुमारास धाड टाकली असता आरोपी नयन दिलीप गायकवाड,संजय चांगदेव कासार,सचिन मंडलिक थोरात आदी तिघांनी संगनमताने स्वतःचे आर्थिक फायद्यासाठी सांगवी भुसार गावचे जवळील स्मशान भूमीजवळ गोदावरी नदीपात्रातील दोन ब्रास शासकीय वाळू विनापरवाना बेकायदेशीरपणे एक हिरव्या रंगाचा ०३ लाख ५० हजार किमतीच्या जॉन डियर आरोपी नयन दिलीप गायकवाड याचे मालकीचा ट्रॅक्टर व दोन चाकी ट्रेलरमध्ये,०२ लाख किमतीचा सिलव्हर रंगाचा आयशर ट्रॅक्टर आरोपी सचिन मंडलिक थोरात याचे मालकीचा त्यास लाल रंगाची ट्रॉली,एक विनाक्रमांकाचा ०३ लाख २० हजार किमतीचा महिंद्रा ५७५ ट्रॅक्टर,त्यास लाल रंगाची दोन चाकी ट्रेलर संजय चांगदेव कासार याचे ताब्यातील त्यात एक ब्रास वाळू अशा विविध तीन ट्रॅक्टर मध्ये भरली व चोरी करताना आढळून आले होते. त्यांची एकूण किंमत ०८ लाख ९० हजार इतकी असून हा सर्व ऐवज आरोपींसह जप्त केला आहे.यांनी एकत्रित रित्या बेकायदेशीरपणे गोदावरी नदी पात्रात वरील क्रमांकाच्या ट्रॅक्टर ट्रॉली सह उतरून वाळूची चोरी करण्याचा प्रयत्न केला वगैरे मजकुराच्या फिर्याद अंबादास रामनाथ वाघ यांनी दाखल केल्यावरून गुन्हा कोपरगाव तालुका पोलीस ठाण्यात दाखल झाला आहे.
या प्रकरणी कोपरगाव तालुका पोलीस ठाण्यात गु.र.क्रं.२५४/२०२१ भा.द.वि.कायदा कलम ३७९,५११,३४ प्रमाणे आरोपींविरुद्ध गुन्हा दाखल केला आहे.पुढील तपास पोलिसनिरीक्षक दौलतराव जाधव यांचे मार्गदर्शनाखाली पो.हे.कॉ.प्रदीप काशीद हे करीत आहेत.
