शैक्षणिक
…या शाळेच्या दहावी तुकडीस निरोप समारंभ संपन्न
न्यूजसेवा
कोपरगाव-(प्रतिनिधी)
कोपरगाव शहरानजीक असललेल्या समता इंटरनॅशनल स्कूलची इ.१० वी च्या २०२२-२३ सफायर बॅच मधील सर्व विद्यार्थ्यांना ज्ञानाबरोबरच समताची शिस्त आणि संस्काराची शिदोरी दिली आहे.या शिदोरीचा उज्वल भविष्य घडविण्यासाठी उपयोग होणार आहे.ज्ञान,शिस्त,संस्कार या आधारे समताचे माणिक भविष्यात चमकतील आणि स्वतःबरोबर शाळेचे नाव ही चहूबाजूंना चमकवतील असे प्रतिपादन शाळेच्या कार्यकारी विश्वस्त स्वाती कोयटे यांनी नुकतेच केले आहे.
“आमच्यावर घरातील संस्काराबरोबरच समतातील ज्ञान,शिस्त,संस्कारामुळे आमच्या आयुष्याला एक नवीन कलाटणी मिळणार आहे.आम्हाला ज्ञानाची शिदोरी देण्यासाठी स्कूलचे संस्थापक ओमप्रकाश कोयटे,कार्यकारी विश्वस्त स्वाती कोयटे,मुख्य कार्यवाहक संदीप कोयटे,शिक्षक-शिक्षकेतर कर्मचारी यांचे मार्गदर्शन ही खुप मोलाचे आहे”-स्वरूपा दास,विदयार्थी,समता स्कूल.
समता इंटरनॅशनल स्कूल मध्ये इ.१० वीच्या सफायर २०२२-२३ बॅचचा निरोप समारंभ भावनिक वातावरणात संपन्न झाला.त्या प्रसंगी सफायर बॅचला मार्गदर्शन करताना त्या बोलत होत्या.
प्रसंगी सफायर बॅचमधील स्वरूपा दास व अथर्व बेरगळ भावनिक मनोगत व्यक्त करताना म्हणाले की,”आमच्यावर घरातील संस्काराबरोबरच समतातील ज्ञान,शिस्त,संस्कारामुळे आमच्या आयुष्याला एक नवीन कलाटणी मिळणार आहे.आम्हाला ज्ञानाची शिदोरी देण्यासाठी स्कूलचे संस्थापक ओमप्रकाश कोयटे,कार्यकारी विश्वस्त स्वाती कोयटे,मुख्य कार्यवाहक संदीप कोयटे,शिक्षक-शिक्षकेतर कर्मचारी यांचे मार्गदर्शन ही खुप मोलाचे आहे.या तुकडीतील विद्यार्थ्यांनी ज्ञान,कला,क्रीडा क्षेत्रात केलेल्या उज्वल कामगिरीबद्दल त्यांचा कार्यकारी विश्वस्त स्वाती कोयटे यांच्या हस्ते सत्कार करण्यात आला.बॅच मधील विद्यार्थ्यांनी गीत व नृत्यातून समता इंटरनॅशनल स्कूल विषयीच्या भावना व्यक्त केल्या आहेत.
निरोप समारंभाचे सुत्रसंचालन शिक्षिका शोभा गढरी यांनी केले.या कार्यक्रमाला प्राथमिक,माध्यमिक विभागातील विद्यार्थी त्यांचे पालक समता स्कूलचे शिक्षक शिक्षकेत्तर कर्मचारी उपस्थित होते.उपस्थितांचे आभार शिक्षिका रोहिणी वक्ते यांनी मानले आहे.
