कोपरगाव तालुका
सहकार उद्यमीच्या अंतर्गत देण्यात येणाऱ्या पोर्टलला प्रतिसाद
न्यूजसेवा
कोपरगाव-(प्रतिनिधी)
महाराष्ट्र राज्य सहकारी पतसंस्था फेडरेशन आणि सहकार उद्यमी यांच्या संयुक्त विद्यमाने स्थानिक उत्पादनांना आंतरराष्ट्रीय स्तरावरील बाजारपेठ उपलब्ध करुन देण्यासाठी ‘कॉपशॉप वर्ल्ड`या पोर्टल अंतर्गत उत्पादकांना व्यवसाय वृद्धीसाठी सहकार्य करणार असून अमेझॉन, फ्लिपकार्ट पोर्टल सारखे कॉपशॉप वर्ल्ड सारखे पोर्टल सुरू करून त्यावरून स्थानिक व्यवसाय आणि उत्पादनांची माहिती उपलब्ध करून विक्री करण्यात येणार आहे. त्यामुळे एक नवीन ऑनलाईन विक्रीची बाजारपेठ उपलब्ध होत असून त्याला उत्स्फूर्त प्रतिसाद मिळत असल्याची माहिती महाराष्ट्र राज्य सहकारी पतसंस्था फेडरेशन व समता नागरी सहकारी पतसंस्थेचे अध्यक्ष ओमप्रकाश कोयटे यांनी आमच्या प्रतिनिधीस दिली आहे.
“सहकार उद्यमी मार्फत महिला सक्षमीकरणासाठी आणि महिलांनी तयार केलेल्या स्थानिक बाजारपेठेला आंतरराष्ट्रीय दर्जा मिळावा यासाठी विविध उपक्रम मोठ्या प्रमाणात राबवत असतो.यामुळे स्थानिक मालाला महत्त्व प्राप्त करून देणार आहोत त्यासाठी या उपक्रमात सर्वांनी एकत्र येऊन हा उपक्रम यशस्वी करणार आहेत”-ओमप्रकाश कोयटे,अध्यक्ष समता पतसंस्था.
समता नागरी सहकारी पतसंस्थेच्या स्व.यशवंतराव चव्हाण सहकार सभागृहात कॉपशॉप वर्ल्ड पोर्टलची माहिती देण्यासाठी ऑनलाईन पद्धतीने प्रमुख उपस्थितामध्ये ६ जून २०२१ रोजी बैठक आयोजित करण्यात आली.प्रसंगी ते बोलत होते.
सदर प्रसंगी सहकार उद्यमीच्या अध्यक्षा अंजली पाटील यांनी ही मार्गदर्शन केले.
त्या म्हणाल्या की,”सहकार उद्यमी मार्फत महिला सक्षमीकरणासाठी आणि महिलांनी तयार केलेल्या स्थानिक बाजारपेठेला आंतरराष्ट्रीय दर्जा मिळावा यासाठी विविध उपक्रम मोठ्या प्रमाणात राबवत असतो.यामुळे स्थानिक मालाला महत्त्व प्राप्त करून देणार आहोत त्यासाठी या उपक्रमात सर्वांनी एकत्र येऊन हा उपक्रम यशस्वी करणार आहेत.
प्रसंगी कालांश उद्योग समूहाचे रोहित काले यांनी या पोर्टल करिता लागणारे सर्व फोटोसेशन व डिझायनिंग मोफत करून देणार असल्याची घोषणा केली.या पोर्टल विषयी सविस्तर माहिती दर्शन जोशी यांनी दिली.याबाबत अधिक माहितीसाठी कु.रेणुका मुन्शी यांच्याशी ९१५८२७६६८५ या क्रमांकाशी संपर्क साधावा.
तर अहिंसा हातमाग केंद्राच्या संचालिका पूजा पापडीवाल,अशोक दरक,महेंद्र विधाते,सविता विधाते, बंगाळ पेठा चे व्यवस्थापक,सुनील बंगाळ, चंद्रशेखर देशमुख श्री अभंग आदींसह व्यवसायात आलेले अनुभव कथन करून ऑनलाईन पद्धतीने करण्यात येत असलेल्या मालाच्या विक्रीचे कौतुक केले.
या वेळी नाशिक,अहमदनगर,औरंगाबाद,येवला,राहता तालुक्यातील उत्पादकांचा उत्स्फूर्त प्रतिसाद लाभला होता.या बैठकीचे सूत्रसंचलन आणि आभार कु.रेणुका मुन्शी यांनी मानले.
