कोपरगावात सहा जणांवर गुन्हे दाखल

कोपरगाव शहर व तालुक्यात पुन्हा एकदा कोरोना विषाणूच्या साथीने कहर केला असून दोन वाजण्याच्या सुमारास आलेल्या अहवालात केलेल्या अँटीजन रॅपिड टेस्ट बाधित रुग्णांची संख्या ३६ झाली आहे त्यात कोपरगाव शहरातील ०२ बाधित निघाले तर ग्रामीण भागातील ३४ जण बाधित असल्याने भीतीचे वातावरण पसरले आहे.दरम्यान आता कोपरगाव तालुक्यात एकूण बाधित रुग्णांची संख्या १ हजार ७०१ इतकी झाली आहे.त्यात १८० रुग्ण सक्रिय आहेत,तर आतापर्यंत २९ जणांचे कोरोना साथीने निधन झाले आहे.त्यामुळे कोरोना साथी बाबत नागरिकांत भीतीचे वातावरण पसरले आहे.नागरिकांचा मुखपट्याविना असाच सर्वथैव संचार राहिल्यास कोरोना वाढत जाणार हे उघड आहे.त्यामुळे मुखपट्या न बांधणाऱ्या नागरिकांचा बंदोबत करणे पोलिसांना गरजेचे बनले आहे.पोलिसांना दिवसभरात किमान ५० जणांवर कारवाई करण्याचे जिल्हा पोलीस अधिकाऱ्यांचे आदेश आहेत.त्यामुळे कोपरगाव शहर पोलिसानी पोलीस निरीक्षक राकेश मानगावकर यांच्या मार्गदर्शनाखाली आता कडक धोरण अवलंबले आहे.त्यातून हि कारवाई आज दुपारी बारा ते दोन वाजेच्या दरम्यान केलेल्या कारवाईत शहरातील विविध ठिकाणी करण्यात आलेल्या कारवाईत त्यात आरोपी विकास नानासाहेब कोताडे वय-२७,संदीप रामभाऊ बाराहाते वय-४०,दोघे रा.सडे,काकासाहेब सोपान पाचोरे वय-४५,रा.बहादराबाद,संदीप छबू आव्हाड,वय-३०,रा.बक्तरपूर,रामदास जनार्धन सुपेकर,रा.कोपरगाव बेट,नयन संजय मेहरे,रा.गांधीनगर सर्व ता.कोपरगाव आदीं सहा जणांवर कोपरगाव शहर पोलीस ठाण्यात गुन्हा दाखल करण्यात आला आहे.त्यात कोरोना विषाणूची साथ चालू असतानाही तोंडाला मुखपट्या न बांधणे,चालू गादीवर फोनवर बोलणे,शासनाने व जिल्हाधिकाऱ्यांनी दिलेले आदेश न पाळणे आदी कारणाने गुन्हे दाखल करण्यात आले आहे.

या प्रकरणी फिर्यादी पोलिस अधिकाऱ्यांनी कोपरगाव शहर पोलीस ठाण्यात गु.र.न.७२४/२०२०,भा.द.वि.कलम १८८(२),२६९,२७०, गुन्हा दाखल करण्यात आला आहे.पुढील तपास पोलीस निरीक्षक राकेश मानगावकर यांच्या मार्गदर्शनाखाली पो.हे.कॉ.आर.पी.पुंड हे करीत आहेत.