गुन्हे विषयक
दोन दुचाकींचा अपघात,एक ठार,एक जखमी,कोपरगावात गुन्हा
न्यूजसेवा
कोपरगाव-(प्रतिनिधी)
कोपरगाव तालुक्यातील पूर्वेस साधारण सात कि.मी.अंतरावर असलेल्या कोपरगाव-औरंगाबाद रस्त्यावर काल दुपारी ०३ वाजेच्या सुमारास एका दुचाकी चालकाने आपल्या ताब्यातील बजाज प्लॅटिना (क्रं.एम.एच.१७ सी.एच.७६५२) हि दुचाकी भरधाव चालवून समोरून येणाऱ्या होंडा ऍक्टिव्हा (क्रं.एम.एच.१७ ए.वाय.७०१५) हिला जोराची धडक देऊन त्यावरील भीमराज धर्मा इंगळे हे गंभीर जखमी होऊन त्यांचा मृत्यू झाला आहे.तर त्यांची पत्नी आशाबाई भीमराज इंगळे (वय-४९) या जखमी झाल्या आहेत.या प्रकरणी कोपरगाव शहर पोलीस ठाण्यात गुन्हा दाखल करण्यात आला आहे.
कोपरगाव तालुक्यातील संवत्सर शिवारात काळ दुपारी ०३ वाजेच्या सुमारास दोन दुचाकीच्या झालेल्या धडकेत भीमराज इंगळे हे गंभीर झाले असून उपचारा दरम्यान त्यांचे निधन झाले आहे.व त्यांच्या पत्नी आशाबाई इंगळे या जखमी झाल्या असून त्यांच्यावर अतिदक्षता विभागात उपचार सुरु आहेत.व त्यांच्या दुचाकीचे सदर घटनेत मोठ्या प्रमाणावर नुकसान झाले असल्याची माहिती आहे.
सदरचे सविस्तर वृत्त असे की,”फिर्यादी फुला मोतीराम इंगळे हे लौकी येथील रहिवासी असून ते ते दहिगाव बोलका येथील माध्यमिक विद्यालयात शिक्षक आहे.त्यांचे मयत चुलत भाऊ हेही लौकी येथील रहिवासी असून त्यांना वरील तारखेस अरुण खंडीझोड यांचा दूरध्वनी आला व त्यांनी सांगितले की,”त्यांचे भाऊ भीमराज इंगळे यांचा अपघात संवत्सर शिवारात रेल्वे पुला नजीक झाला आहे.त्यांनी तातडीने घटनास्थळी धाव घेतली होती.त्यावेळी त्यांना त्या ठिकाणी काही ग्रामस्थांनी सांगितले की,”जखमींना नजीकच्या ग्रामस्थांनी नुकतेच जवळ असलेल्या संत जनार्दन स्वामी रुग्णालयात उपचारार्थ एका रुग्णवाहिकेद्वारे भरती केले आहे.त्यांनी संबंधित रुग्णालयात धाव घेतली असता त्यांना त्यांचे जखमी भाऊ भीमराज इंगळे हे गंभीर झालेले दिसले होते.यांचेवर उपचार सुरु असताना त्यांचे काल सायंकाळी ०६ वाजेच्या सुमारास निधन झाले आहे.व त्यांच्या भावजई आशाबाई इंगळे या जखमी झाल्या असून त्यांच्यावर अतिदक्षता विभागात उपचार सुरु आहेत.व त्यांच्या दुचाकीचे सदर घटनेत मोठ्या प्रमाणावर नुकसान झाले असल्याची माहिती आहे.
दरम्यान या प्रकरणी कोपरगाव शहर पोलीस ठाण्यात या प्रकरणी अपघात नोंद क्रं.५५/२०२३ भा.द.वि.कलम ३०४,(अ)२७९,३३७,३३८,मोटार वाहन कलम-४२७ प्रमाणे नोंद केली आहे.पुढील तपास पोलीस निरीक्षक वासुदेव देसले यांच्या मार्गदर्शनाखाली पोलीस हे.कॉ.शेवाळे हे करीत असल्याचे समजत आहे.
