शैक्षणिक
उच्च प्राथमिक शिष्यवृत्ती परिक्षेत…या विद्यालयाचे मोठे यश!
न्यूजसेवा
कोपरगाव -(प्रतिनिधी)
कोपरगाव तालुक्यातील कोकमठाण येथील उच्च प्राथमिक शिष्यवृत्ती परिक्षेत आत्मा मालिक सेमी इंग्लीश मिडीयम गुरूकुलने राज्य पातळीवर आपला झेंडा फडकवीला असल्याची माहिती उपलब्ध झाली असून या गुरूकूलाचे तब्बल दोनशे अठ्ठावीस विद्यार्थी या शिष्यवृत्तीस पात्र ठरले असल्याची माहिती हाती आली आहे.या परिक्षेत राज्यपातळीवर आपले वर्चस्व कायम ठेवण्याची परंपरा या शाळेने यंदाही कायम ठेवली असल्याचे उघड झाले आहे.
“शिष्यवृत्ती परिक्षेत आत्मा मालिक गुरूकूलचे विद्यार्थी राज्यात आघाडीवर असतात याची प्रचिती यंदाही आलीअसून त्यामागे शिक्षकांची मेहनत आणि विद्यार्थ्यांचे परिश्रम कारणीभूत आहेत.आत्मा मालिक सेमी इंग्लिश मिडीयम राज्यात सातत्याने अव्वल कामगिरी करत आहे”नंदकुमार सूर्यवंशी,अध्यक्ष,विश्वात्मक,जंगली महाराज आश्रम ट्रस्ट,कोकमठाण.
इयत्ता सातवीच्या उच्च प्राथमिक शिष्यवृत्ती परीक्षेत पेपर १ (प्रथम भाषा व गणित),पेपर २ (तृतीय भाषा व बुद्धिमत्ता चाचणी) हे विषय असतात आणि विद्यार्थ्यांना प्रतिवर्षी ७ हजार ५०० रुपये शिष्यवृत्ती मिळते.महाराष्ट्र राज्य परीक्षा परिषद ही परीक्षा आयोजित करते.त्यात ही यश संपादन केले आहे.याबाबत अधिकची माहिती अशी की,”पात्र ठरलेल्या विद्यार्थ्यांमध्ये 97 विद्यार्थ्यांनी 200 हून अधिक,72 विद्यार्थ्यांनी 210 हून अधिक तर 54 विद्यार्थ्यांनी 220 हून अधिक गुण मिळवले आहेत.घनशाम ढेपे 276,श्रेयश धावडे-260,शिवम जाधव -258,साहिल पवार -256,श्रीकांत कोटकर -254,प्रथमेश सांगळे-252,गितेश उधान-252,कृष्णा धुमाळ-250,स्वरा लांडगे-250,आयुष वाळुंज -250 गुण प्राप्त केले आहे.
या विद्यार्थ्यांना प्राचार्य निरंजन डांगे,विभाग प्रमुख सचिन डांगे,अनिल सोनवणे,बाळकृष्ण दौंड,रवींद्र देठे,मिना नरवडे,रमेश कालेकर,तसेच पर्यवेक्षक गणेश रासने,नयना आदमाने,सुनील पाटील,नितीन अनाप आदिंचे मार्गदर्शन लाभले होते.दरम्यान या विद्यार्थ्यांचे संस्थेचे अध्यक्ष नंदकुमार सूर्यवंशी,उपाध्यक्ष बाळासाहेब गोरडे,सरचिटणीस हनुमंत भोंगळे,कोषाध्यक्ष विठ्ठल होन,विश्वस्त प्रकाश गिरमे,प्रदीपकुमार भंडारी,शालेय व्यवस्थापक सुधाकर मलिक,वसतिगृह व्यवस्थापक साईनाथ वर्पे,मीरा पटेल आदिंनी अभिनंदन केले आहे.
