…या शहरातून आलेल्या भिक्खु संघाचे जोरदार स्वागत

न्यूजसेवा

कोपरगाव-(प्रतिनिधी)

  लुम्बीनी बुद्ध विहार कोपरगाव येथे दि बुद्धिस्ट सोसायटी ऑफ इंडिया,समता सैनिक दल व अखिल भारतीय भिक्खु संघ यांच्या संयुक्त विद्यमाने सुवर्णभूमी थायलंड येथून पु लुअंगपौ विरीयांग सिरिन्धरो यांचे मार्गदर्शन घेऊन आलेल्या भिक्खु संघाचे आ.आशुतोष काळे यांनी स्वागत करून त्यांचे आशीर्वाद घेतले असल्याची माहिती उपलब्ध झाली आहे.

  सुवर्णभूमी थायलंड येथून पु लुअंगपौ विरीयांग सिरिन्धरो यांचे मार्गदर्शन घेऊन आलेल्या भिक्खु संघाचे कोपरगाव शहरात अखिल भारतीय भिक्खू संघ व भारतीय बौद्ध महासभा सर्व उपासक-उपासिका कोपरगाव तालुका व शहराच्या वतीने लुम्बीनी उपवन बुद्ध विहार कोपरगाव येथे भव्य स्वागत समारंभ आयोजित करण्यात आला होता.या कार्यक्रमास आ.आशुतोष काळे यांनी उपस्थित राहून भिक्खु संघाचे कोपरगाव मतदार संघाच्या वतीने स्वागत केले.यावेळी डॉ.बाबासाहेब आंबेडकर स्मारक ते लुम्बीनी उपवन बुद्ध विहार पर्यंत धम्म रॅली काढण्यात आली.या धम्म रॅलीमध्ये उपासक-उपासिका मोठ्या संख्येने सहभागी झाले होते.

   सुवर्णभूमी थायलंड वरून आलेल्या भन्ते मिलिंद बोधीजी,भन्ते अमृतानंद भन्ते आनंद सुमनसिरी,भन्ते दिपंकर,भन्ते कश्यप,भन्ते भारद्वाज,भन्ते धम्मसिरी,भन्ते थेवाधम्मो यांच्या ज्ञानाच्या शिदोरीचा व शिकवणीचा समाजाच्या जडणघडणीत निश्चितपणे फायदा होईल असा विश्वास यावेळी आ.आशुतोष काळे यांनी व्यक्त केला आहे.

   याप्रसंगी दि बुद्धिस्ट सोसायटी ऑफ इंडिया,समता सैनिक दल,अखिल भारतीय भिक्खु संघाचे सदस्य,राष्ट्रवादी काँग्रेस पक्षाचे पदाधिकारी,माजी नगरसेवक, कार्यकर्ते व समाजबांधव मोठ्या संख्येने उपस्थित होते.