…या गावांना खेळाच्या साहित्यासाठी निधी मंजूर-माहिती

न्यूजसेवा

कोपरगाव-(प्रतिनिधी)

   कोपरगाव मतदार संघाच्या ग्रामीण भागातील ग्रामीण भागातील युवकांच्या सशक्त शरीरयष्टी आणि निरोगी जीवनशैलीसाठी महत्त्वपूर्ण पाऊल उचलत आ.आशुतोष काळे यांनी केलेल्या पाठपुराव्यातून कोपरगाव मतदारसंघातील १० गावांना जिम साहित्य खरेदीसाठी प्रत्येकी ०७ लाख याप्रमाणे ७० लाख रुपयांचा निधी मंजूर करण्यात आला असल्याची माहिती त्यांच्या प्रसिद्धी कार्यालयाने दिली आहे.

  दरम्यान या निधीतून कोपरगाव मतदार संघातील वारी,मायगाव देवी,डाऊच खु.,कारवाडी,भोजडे,ब्राम्हणगाव,काकडी,डाऊच बु,आपेगाव आणि मढी बु.आदी दहा गावांना व्यायाम शाळांसाठी आधुनिक जिमचे साहित्य देण्यात येणार आहे.

   वर्तमान स्पर्धात्मक युगात आरोग्याच्या दृष्टीने मजबूत शरीरयष्टी,शारीरिक तंदुरुस्ती अत्यंत आवश्यक आहे.पोलीस,लष्कर,अग्निशमन दल तसेच विविध शासकीय भरती प्रक्रियेत शारीरिक फिटनेस चाचणीमध्ये कित्येक तरुणांच्या संधी हुकतात.त्यामुळे ग्रामीण भागातील तरुणांनाही शहरांतील तरुणांप्रमाणे अत्याधुनिक व्यायाम साधनांची सुविधा मिळावी,या उद्देशातून केलेल्या पाठपुराव्यातून हा निधी मंजूर करण्यात आला असल्याचे आ.काळे यांनी सांगितले आहे.

    या निधीतून कोपरगाव मतदार संघातील वारी,मायगाव देवी,डाऊच खु.,कारवाडी,भोजडे,ब्राम्हणगाव,काकडी,डाऊच बु,आपेगाव आणि मढी बु.आदी दहा गावांना व्यायाम शाळांसाठी आधुनिक जिमचे साहित्य देण्यात येणार आहे.त्यामुळे ग्रामीण भागातील युवकांमध्ये स्माधानाचे वातावरण पसरले असून नियमित सरावातून विविध शासकीय भरतीसाठी तयारी करण्यासाठी या जिमच्या साहित्याचा उपयोग होवून आरोग्य,फिटनेस आणि शारीरिक क्षमता वाढण्यास निश्चितपणे मदत होणार असल्याने ग्रामस्थानी समाधान व्यक्त केले आहे.