अभिष्टचिंतन कार्यक्रम
… या ठिकाणी आ.काळे यांचा वाढदिवस उत्साहात संपन्न!
न्युजसेवा
कोपरगाव -(प्रतिनिधी)
कोपरगावचे आ.आशुतोष काळे यांच्या वाढदिवसानिमित्त कोकमठाण येथील थोरात वस्ती लगत असलेल्या गोदाकाठ जिल्हा परिषद शाळेमध्ये आ.आशुतोष काळे मित्र मंडळाच्या वतीने विद्यार्थ्यांना दफ्तर व फळांचे वाटप करण्यात आले.
गोदाकाठ जिल्हा परिषद शाळेमध्ये आ.आशुतोष काळे मित्र मंडळाच्या वतीने विद्यार्थ्यांना दफ्तर व फळांचे वाटप करण्यात आले आहे.
कोपरगाव मतदार संघात आ.आशुतोष काळे यांचा वाढदिवस विविध सामाजिक उपक्रमांनी मोठ्या उत्साहात साजरा करण्यात आला आहे. कोकमठाणच्या स्थानिक कार्यकर्त्यांनी कोकमठाणच्या गोदावरी नदी किनारी असलेल्या जिल्हा परिषद शाळेतील इयत्ता १ ली ते ०४च्या विद्यार्थ्यांना दफ्तर व फळांचे वाटप करून वाढदिवस साजरा केला आहे. या शाळेत बहुतांश विद्यार्थी हे आदिवासी समाजाचे असून अशा गरजू विद्यार्थ्यांना मदत करण्याच्या उद्देशातून हा उपक्रम राबविण्यात आला.
यावेळी आ. काळे मित्र मंडळाच्या कार्यकर्त्यांनी सांगितले की,”आ.आशुतोष काळे यांचा वाढदिवस साजरा करतांना तो समाजासाठी उपयुक्त ठरावा,या हेतूने आम्ही हा उपक्रम घेतला. शिक्षण हे परिवर्तनाचे साधन आहे, आणि लहान मुलांना मदत करणे म्हणजे समाजाच्या भविष्यावर गुंतवणूक करण्यासारखे आहे.विद्यार्थ्यांना दफ्तर मिळाल्यामुळे शाळेतील त्यांच्या चेहऱ्यावर आनंद झळकत होता. या उपक्रमाबद्दल पालक व शिक्षकांनी समाधान व्यक्त करत कार्यकर्त्यांचे आभार मानले आहे. यावेळी विद्यार्थी व शिक्षकांनी आ.काळे यांना वाढदिवसानिमित्त शुभेच्छा दिल्या आहेत.
याप्रसंगी सुनील लोंढे,दिपक रोहोम,अनंत रक्ताटे,प्रसाद साबळे,विशाल जाधव,विजय रक्ताटे,अविनाश निकम,डॉ.आशिष डुबे, आकाश रोहोम,संभाजी देशमुख,कुणाल रोहोम,किरण कराळे,अल्लाउद्दिन सय्यद, आदिनाथ कराळे,शरद फटांगरे,राहुल टेके आदी मान्यवरांसह कार्यकर्ते मोठ्या संख्येने उपस्थित होते.
