गुन्हे विषयक
कोपरगाव न.पा.अधिकाऱ्यांना मारहाण,आरोपिंना पोलीस कोठडी
न्यूजसेवा
कोपरगाव-(नानासाहेब जवरे)
कोपरगाव नगर परिषदेत काल दि.२२ जुलै रोजी सकाळी ११ वाजेच्या सुमारास शहरातील पूनम चित्रपट गृहासमोरील आरोपींचे अवैध टपरीचे अतिक्रमण रात्रीच्या सुमारास नगरपरिषदेने काढल्याचा राग मनांत धरून शिवनेनेचे माजी शहराध्यक्ष सनी रमेश वाघ,माजी उपनगराध्यक्ष व विद्यमान नगरसेवक योगेश बागुल,उपजिल्हा प्रमुख कैलास द्वारकानाथ जाधव,बालाजी पंढरीनाथ गोर्डे,साई पंढरीनाथ गोर्डे,निलेश पंढरीनाथ गोर्डे,आशिष शेळके आदीनीं बेकायदा जमाव करून,जमाव बंदीचे उल्लंघन करून कोपरगाव नगरपरिषदेत जाऊन अधिकाऱ्यांना मारहाण,शिवीगाळ करून कार्यालयातील वस्तूंची तोडफोड केल्या प्रकरणी आज सकाळी कोपरगाव शहर पोलिसांनी आज सकाळी कोपरगाव येथील प्रथम वर्ग दंडाधिकारी यांच्या समोर हजर केले असता न्यायालयाने दोन्ही बाजूंचा युक्तिवाद एकूण आरोपींना एक दिवसांची पोलीस कोठडी सूनावली आहे.तर या घटनेच्या निषेधार्थ आज कोपरगाव नगरपरिषेच्या अधिकारी व कर्मचारी यांनी कामबंद आंदोलन केल्याने आज सकाळ पासून आरोग्य व अत्यावश्यक सेवांचे काम ठप्प झाल्याने नागरिकांत काळजीचे सूर उमटले आहे.
सदरचे सविस्तर वृत्त असे की,”कोपरगाव नगरपरिषदेने आयुक्त व जिल्हाधिकारी यांचे आदेशाने मार्च २०१० मध्ये शहरातील सुमारे २ हजाराहून अधिक अवैध व्यावसायिकांची अतिक्रमणे हटवली होती.त्यानंतर गत दहा वर्षाहून अधिक काळ या प्रश्नावर विविध पक्षांचे शहरातील मतपेटीचे राजकारण सुरु आहे.ते अद्याप संपण्याची चिन्हे नाही.उलट याला नगरपरिषद निवडणूक जवळ आली की मतांची बेरीज-वजाबाकी सुरु होते.व त्या दिशेने राजकीय आरोप-प्रत्यारोप सुरु होतात.याशिवाय अतिक्रमण करणाऱ्यानांही उत येतो.नेहमीच येतो पावसाळा या धर्तीवर हे अतिक्रमण सुरु झाल्यावर सर्वच राजजकीय पक्ष त्याकडे जाणीवपूर्वक कानाडोळा करतात व आपल्या मतांच्या लाचारीपोटी शहराचा उकिरडा करून टाकतात. असेच वर्तमानात सुरु आहे.सन २०१० साली अतिक्रमण काढल्यावर बऱ्याच जणांनी आपल्या पथाऱ्या पुन्हा पसरल्या आहेत.तर अनेक नगरसेवक त्या अतिक्रमण धारकांचे अधिकाऱ्यांकडून संरक्षण करण्यासाठी मासिक हप्ते गोळा करतात.हे कोपरगाव शहरातील सार्वत्रिक चित्र आहे.अशीच घटना दि.२२ जुलै २०२१ रोजी घडली असून कोपरगाव नगरपरिषदेने पूनम चित्रपट गृहासमोरील अतिक्रमण काढलेले असताना त्याच ठिकाणी वरील काही आरोपीनी पुन्हा त्याच ठिकाणी आपले दुकान मांडण्याचा प्रयत्न केला असता.त्याला नगरपरिषदेचे उपमुख्याधिकारी सुनील गोर्डे व त्यांच्या सहकाऱ्यांनी हरकत घेतली व त्या विरोधात कारवाई करून ते अतिक्रमण रात्रीच्या सुमारास मुख्याधिकारी डोईफोडे यांच्या आदेशाने काढून टाकले होते.त्याचा राग मनात धरून वरील आरोपीनी आज नगरपरिषदेत सकाळी अकरा वाजेच्या सुमारास जाऊन तेथील उपमुख्याधिकारी व शहर बांधकाम अभियंता दिगंबर वाघ यांच्या दालनात जाऊन शिवीगाळ तर काहींना मारहाण केली तर तेथील किंमती साहित्याची मोठ्या प्रमाणावर मोडतोड केली आहे.या प्रकरणी फिर्यादी उपमुख्याधिकारी सुनील गोर्डे यांनी या प्रकरणी वरील सात आरोपी विरुद्ध गुन्हा दाखल केला आहे.या आरोपींना आज कोपरगाव शहर पोलीस ठाण्याचे पोलीस निरीक्षक वासुदेव देसले यांनी प्रथम वर्ग न्यायदंडाधिकारी यांच्या समोर हजर केले असता.आरोपींच्या वतीने अड्.जयंत जोशी यांनी युक्तीवाद केला तर सरकारी वकील सौ.शेख मॅडम यांनी सरकारी पक्षाच्या वतीने जोरदार युक्तिवाद केला आहे.न्यायालयाने दोन्ही पक्षांचा युक्तिवाद ऐकूण आरोपींना एक दिवसांची पोलीस कोठडी सुनावली असल्याची माहिती पोलीस निरीक्षक वासुदेव देसले यांनी आमच्या प्रतिनिधीस दिली आहे.
पुढील तपास कोपरगाव शहर पोलीस ठाण्याचे पोलीस निरीक्षक वासुदेव देसले यांच्या मार्गदर्शनाखाली पोलीस उपनिरीक्षक भरत नागरे हे करीत आहेत.
