निवड
पालकमंत्र्यांच्या हस्ते पर्यावरण प्रेमी…यांना वनश्री पुरस्कार जाहीर
न्यूजसेवा
कोपरगाव-(प्रतिनिधी)
महाराष्ट्र शासनाच्या वन विभागाच्या वतीने देण्यात येणारा “छत्रपती शिवाजी महाराज वनश्री पुरस्कार-२०१९” कोपरगाव येथील सूर्यतेज संस्थापक आणि वृक्ष पर्यावरण प्रेमी,भारत सरकारचे स्वच्छतादूत सुशांत घोडके यांना पालकमंत्री दादाजी भुसे यांचे हस्ते वितरण करण्यात आला आहे.नाशिक येथील पोलिस परेड मैदानावर जिल्ह्याचे मुख्य ध्वजारोहण नंतर या पुरस्काराचे वितरण करण्यात आले आहे.
महाराष्ट्र शासनाचा छत्रपती शिवाजी महाराज राज्यस्तरीय वनश्री पुरस्कारही वनश्री सुशांत घोडके यांना जाहीर असून लवकरच या पुरस्काराचे वितरण करण्यात येणार आहे.छत्रपती शिवाजी महाराज वनश्री पुरस्कार राज्यस्तरीय व्दितीय व विभागीय प्रथम एकाच वेळी घोषित झालेले अ.नगर जिल्ह्यातील ते पहिले व्यक्ती ठरले आहे.
सन्मान चिन्ह,प्रमाणपत्र आणि पन्नास हजार रुपये असे या पूरस्काराचे स्वरूप आहे.वनश्री सुशांत घोडके यांना राज्यस्तरीय व्यक्तींमध्ये दूसरा तर नाशिक विभागाचा प्रथम अशा दोन पुरस्कारांचा समावेश आहे.नाशिकचे पालकमंत्री दादाजी भुसे यांचे हस्ते नाशिक विभागाच्या छत्रपती शिवाजी महाराज वनश्री पुरस्कार सन २०१८ व २०१९ चे वितरण करण्यात आले.
या प्रसंगी विभागीय आयुक्त राधाकृष्ण गमे,विभागीय पोलीस महासंचालक बी.जी.शेखर पाटील,वनसंरक्षक गजेंद्र हिरे,विभागीय वन अधिकारी वनिता बरगे यांचेसह नाशिक येथील विविध खात्यांचे अधिकारी,लोकप्रतिनिधी,शाळा व महाविद्यालयीन विद्यार्थी मोठ्या संख्येने उपस्थित होते.महाराष्ट्र शासन वन विभागाने वृक्षारोपण आणि पर्यावरण क्षेत्रातील व्यक्ती,संस्था यांनी जाहीर केलेल्या छत्रपती शिवाजी महाराज वनश्री नाशिक विभाग पुरस्काराचे वितरण करण्यात आले.राज्यात वृक्षारोपण,वृक्षसंवर्धन,पर्यावरण क्षेत्रात काम करणाऱ्या व्यक्तीला पुरस्कार दिला जातो.
नाशिक विभागाचा प्रथम क्रमांकाचा छत्रपती शिवाजी महाराज वनश्री वनश्री पुरस्कार २०१९ स्विकारतांना त्यांचे वडील प्रकाश,आई अर्चना,लहान बंधू तन्मय हे त्यांचे समवेत होते.पुरस्कार वितरण नंतर नाशिक जिल्ह्यातील पर्यावरण प्रेमी आणि अधिकारी यांनी वनश्री सुशांत घोडके यांची भेट घेऊन शुभेच्छा दिल्या आहेत.
शिर्डी उपविभागासह कोपरगाव तालुक्यात स्वच्छतादूत आणि पर्यावरण प्रेमी म्हणून सुशांत घोडके यांचे कार्य अनेक वर्षांपासून सर्वांना परिचित आहे.कडूलिंबाचे महत्व जाणून ३३ हजार पेक्षा जास्त रोपांचे वितरण,रोपण आणि पालकत्व दिले आहे.या शिवाय लोकसहभागातून शाळा व सार्वजनिक ठिकाणी फुल झाडांची उद्यान विकसित केले आहे.शाळा,महाविद्यालय,वसतीगृह यासह सार्वजनिक ठिकाणी वृक्षारोपण करून संवर्धनाचे कार्य उल्लेखनीय आहे.पक्षी आणि वन्यजीव संरक्षणासाठी त्यांची नेहमी धडपड असते.पर्यावरण प्रेमी सुशांत घोडके यांची वृक्षारोपण आणि संवर्धनासाठी अहोरात्र मेहनत घेतली आहे.अनेकांचे ते प्रेरणास्रोत आहे त्यांना समाजरत्न,नाट्य मंदार यासह अनेक पुरस्कारांनी सन्मानित केले आहे.
