गुन्हे विषयक
‘तो’अकस्मात मृत्यू नाही तर खून,आरोपी चोवीस तासात जेरबंद!
![](https://newsseva.in/wp-content/uploads/2022/02/images-2022-02-03T193051.655.jpeg)
न्यूजसेवा
कोपरगाव-(प्रतिनिधी)
कोपरगाव तालुक्यातील पूर्वेस असलेल्या कोकमठाण ग्रामपंचायत हद्दीत असलेल्या शिवारात रात्रीच्या सुमारास झारखंड हाजीराबाद जोघी सिमरा येथील तरुण सोहन युगुल भासके (वय-२२) याच्या डोक्यावर प्रहार करून खुन केल्याची धक्कादायक घटना उघड झाली आहे. त्याच्या सहकाऱ्यानेच त्याचा भ्रमणध्वनी घेण्याच्या कारणावरून कामावरील पट्टी व छोटा हातोडा याच्या सहाय्याने हा खून केला असल्याचे उघड झाले आहे.या आरोपीला कोपरगाव शहर पोलिसांनी अटक केली असून त्याने या खुनाला पोलीस निरीक्षक वासुदेव देसले यांनी दुजोरा दिला आहे.हा आरोपी रबीन भासके (वय-२४) आता पोलिसांच्या ताब्यात असून तो पोलिसांनी चोवीस तासात जेरबंद केला असल्याने नागरिकांनी पोलिसांच्या कारवाईचे कौतुक केले आहे.
या खुनातील आरोपीची चौकशी केल्यावर व पोलिसी हिसका दाखवल्यावर तो पोपटासारखा बोलू लागला व जबाबात त्याने ‘त्या’ खुनाची कबुली दिली आहे.तथापि हा खून त्याने भ्रमणध्वनीसाठीच केला की अन्य काही कारणासाठी हे अद्याप पुरेसे स्पष्ट झालेले नाही पुढील तपास पोलीस निरीक्षक वासुदेव देसले यांच्या मार्गदर्शनाखाली पोलीस उपनिरीक्षक रोहिदास ठोंबरे हे करीत आहेत.
सदरचे सविस्तर वृत्त असे की,फिर्यादी शिवलिंग गायकवाड हा पोहेगाव येथील रहिवासी असून कोकमठाण हद्दीत महावितरणच्या पारेषण विभागाचे टॉवर उभारणीचे काम सुरु होते त्या ठिकाणी पर्यवेक्षक म्हणून कामावर आहे.सदरचे काम वेगाने सुरु असून त्या ठिकाणी मयत तरुण सोहन भासके हा काम करण्यासाठी झारखंड येथून आपल्या साथीदारांसह आला होता.तो आपले काम आटोपून घरी जात असताना काही तरी अज्ञात कारणाने त्यास डोक्यावर जोरदार प्रहार झाला असून त्यात तो मृत्युमुखी पडला असल्याची फिर्याद पोहेगाव येथील पर्यवेक्षक शिवलिंग पुंजाजी गायकवाड (वय-४१) यांनी कोपरगाव शहर पोलीस ठाण्यात दाखल केली होती.कोपरगाव शहर पोलिसांनी या प्रकरणी आपल्या दप्तरी गु.र.क्रं.१२ सी.आर.पी.सी.१७४ अन्वये अकस्मात मृत्यूची नोंद केली होती.
या घटनेत मयताच्या डोक्यातून मोठा रक्तस्राव झाला होता.त्यामुळे हा काहीतरी घात पात असण्याची शक्यता आमच्या प्रतिनिधीने वर्तविण्यात आली होती.दरम्यान या घटनेची पोलीस निरीक्षक वासुदेव देसले यांनी गंभीर दखल घेऊन तपासाची चक्रे फिरवली होती.
ती खरी ठरली असून आरोपी हा त्याच काम करणाऱ्या टोळीतील असून मयत व आरोपी तरुण रबीन भासके यांच्यात भ्रमणध्वनी घेण्यादेण्याच्या नाजूक कारणावरून वाद निर्माण झाला होता.त्यातून आरोपीने कामावरील पारेशन विभागाच्या टॉवरची लोखंडी पट्टी व हातोडा यांच्या सहाय्याने मयतावर वार केला होता.वार एवढा मोठा होता की त्याने ‘तो’ जागीच गतप्राण झाला होता.घटना स्थळी आपल्या हातून विपरीत घडल्याची जाणीव झाल्यावर आरोपीने घटनास्थळावरून तत्काळ पलायन केले होते.
तथापि ही खबर कोपरगाव शहर पोलिसांना लागल्यावर ते तातडीने घटनास्थळी हजर होऊन त्यांनी स्थळ पंचनामा करून अकस्मात मृत्यूची नोंद करून आरोपीच्या मुसक्या आवळण्यास सुरुवात केली होती व त्याला काही तासात जेरबंद केले होते.त्याची कसून चौकशी केल्यावर व पोलिसी हिसका दाखवल्यावर तो पोपटासारखा बोलू लागला व जबाबात त्याने ‘त्या’ खुनाची कबुली दिली आहे.तथापि हा खून त्याने भ्रमणध्वनीसाठीच केला की अन्य काही कारणासाठी हे अद्याप पुरेसे स्पष्ट झालेले नाही पुढील तपास पोलीस निरीक्षक वासुदेव देसले यांच्या मार्गदर्शनाखाली पोलीस उपनिरीक्षक रोहिदास ठोंबरे हे करीत आहेत.