गुन्हे विषयक
कोपरगाव नजीक नगर-मनमाड रस्त्यावर रस्ता लूट,तर शहर पोलिसांची दोन आरोपी अटकेची कारवाई
जनशक्ती न्यूजसेवा
कोपरगाव-(प्रतिनिधी)
कोपरगाव तालुक्यातील येसगाव ग्रामपंचायत शिवारात काल पहाटे ४.३० वाजेच्या सुमारास न्यू राजस्थान हॉटेल येथे फिर्यादी शामलाल कारुलाल (वय-३०) मूळ रा.सितामाऊ जि.मंदसौर मध्यप्रदेश,यास अज्ञात पाच आरोपी हे आपल्या दोन विना क्रमांकाच्या दुचाकीवरून येऊन त्यांनी फिर्यादि व साक्षिदार यांना झोपेतून उठवून आधार कार्ड पाहण्याचा बहाण्याने कोयत्याचा धाक दाखवून त्यांना मारहाण करून त्यांच्याकडील रोख रक्कम रुपये २३ हजार ५०० रुपये लुबाडून नेल्याने खळबळ उडाली आहे.
दरम्यान कोपरगाव शहरातील आयेशा कॉलनीतील दुचाकी चोरीच्या आरोपातील आरोपी अर्षद बागवान व अन्य चार दुकान फोडीतील आरोपी संजय अर्जुन पाटील ह.मु.कालिकानगर शिर्डी येथून जेरबंद केल्याची माहिती पोलीस निरीक्षक वासुदेव देसले यांनी दिली आहे.
दरम्यान अन्य दोन घटनात कोपरगाव शहर पोलिसानी नुकत्याच केलेल्या कारवाईत कोपरगाव शहरातील आयेशा कॉलनीतील मजहर महेबुब अत्तार यांची दुचाकी चोरी करणारा आरोपी अर्शद बागवान हा कोपरगावात येणार असल्याची खबर लागली असता शहर पोलिसानी सापळा लावून त्याला अटक केली आहे.तर दुसऱ्या दि.१ मार्च रोजी रात्री अज्ञात आरोपीने येवला रोड येथील चंद्रहंस पैठणी शोरूम,व कोपरगाव साडी सेंटर,साईस्वरूप यामाहा बाईक व समर्थ इलेक्टरीकल असे चार दुकाने फोडून परागंदा झालेला आरोपी हा सी.सी.टि. व्ही.फुटेज पाहून ओळखला आहे व तो आरोपी संजय अर्जुन पाटील (वय-४०) रा.शिरूर नाका शिवाजीनगर अमळनेर जिल्हा जळगाव यास कालिका नगर शिर्डी परिसरातून अटक केली आहे.त्याने या गुन्ह्याची कबुली दिली असल्याची माहिती कोपरगाव शहर पोलीस निरीक्षक वासुदेव देसले यांनी आमच्या प्रतिनिधीस दिली आहे.त्याबाबत नागरिकांनी या अकरवाईचे स्वागत केले आहे.
सदरचे सविस्तर वृत्त असे की,”फिर्यादी हे येसगाव हद्दीतील “न्यू राजस्थान हॉटेल” येथे व्यवसायनिमित अधिवास करतात.ते आपल्या व्यवसायाच्या ठिकाणी मुक्कामी असताना काल दि.११ मार्च रोजी पहाटे ४.३० वाजेच्या सुमारास दोन दुचाकीवर पाच भामटे इसम आले व त्यांनी कोयत्याचा धाक दाखवून फिर्यादीच्या खिशातील रोख ३ हजार तर त्यांचा सहकारी तुफान याच्या खिशातील ०५ हजार ५०० तर अन्य सहकारी कचरू याच्या खिशातील ०७ हजार ५०० तर आणखी एक सहकारी गोपाळ याच्या खिशातील ४ हजार ५०० तर मनोहर याच्या खिशातील ०३ हजार असे २३ हजार ५०० रुपयांचा अवैज घेऊन आरोपी परागंदा झाल्याने खळबळ उडाली आहे.
कोपरगाव तालुका पोलीस ठाण्यात त्यांनी या अज्ञात आरोपी विरुद्ध फिर्याद दाखल केली आहे.कोपरगाव तालुका पोलिसांनी या प्रकरणी आपल्या दप्तरी गु.र.क्रं.८४/२०२१ भा.द.वि.कलम ३९५ अन्वये अज्ञात आरोपीविरुद्ध गुन्हा दाखल केला आहे.व पुढील तपास पोलीस निरीक्षक दौलतराव जाधव यांच्या मार्गदर्शनाखाली पोलीस करीत आहे.
कोपरगाव शहर पोलिसांची दोन आरोपी विरुद्ध अटकेची कारवाई
दरम्यान अन्य दोन घटनात कोपरगाव शहर पोलिसानी नुकत्याच केलेल्या कारवाईत कोपरगाव शहरातील आयेशा कॉलनीतील मजहर महेबुब अत्तार यांची दुचाकी चोरी करणारा आरोपी अर्शद बागवान हा कोपरगावात येणार असल्याची खबर लागली असता शहर पोलिसानी सापळा लावून त्याला अटक केली आहे.तर दुसऱ्या दि.१ मार्च रोजी रात्री अज्ञात आरोपीने येवला रोड येथील चंद्रहंस पैठणी शोरूम,व कोपरगाव साडी सेंटर,साईस्वरूप यामाहा बाईक व समर्थ इलेक्टरीकल असे चार दुकाने फोडून परागंदा झालेला आरोपी हा सी.सी.टि.व्ही.फुटेज पाहून ओळखला आहे व तो आरोपी संजय अर्जुन पाटील (वय-४०) रा.शिरूर नाका शिवाजीनगर अमळनेर जिल्हा जळगाव यास कालिका नगर शिर्डी परिसरातून अटक केली आहे.त्याने या गुन्ह्याची कबुली दिली असल्याची माहिती कोपरगाव शहर पोलीस निरीक्षक वासुदेव देसले यांनी आमच्या प्रतिनिधीस दिली आहे.त्याबाबत नागरिकांनी या अकरवाईचे स्वागत केले आहे.
