गुन्हे विषयक
कोपरगाव शहरानजीक तरुणाचा मृतदेह,उलटसुलट चर्चां
न्युजसेवा
कोपरगाव-(प्रतिनिधी)
कोपरगाव शहर पोलीस ठाण्याच्या नैऋत्येस साधारण दीड किमी अंतरावर गोदावरी नदी पात्रात आज सकाळी १० वाजेपुर्वी एका ३०-३५ वर्षीय तरुणाचा मृतदेह कुजलेल्या स्थितीत आढळून आल्याने कोपरगाव शहर आणि तालुक्यात खळबळ उडाली आहे.याबाबत पोलिसांना अद्याप ओळख पटलेली नाही.दरम्यान हा खून की आत्महत्या याबाबत नागरिकांत उलटसुलट चर्चेला उधाण आले आहे.
या प्रकरणी कोपरगाव शहर पोलिस ठाण्यात खबर देणार अमित साहेबराव खोकले यांच्या खबरी वरून अकस्मात मृत्यू नोंद क्रमांक अनुक्रमे -२५/२०२४ भारतीय न्याय संहिता सन-२०२३ चे कलम १९४ प्रमाणे नोंद दाखल केली आहे.
कोपरगाव शहराच्या दक्षिणेस वळसा घालून ईशान्येकडे गोदावरी नदी वाहताना दिसून येते.वर्तमानात नदीपात्र जवळजवळ कोरडे ठाक झाले आहे.त्यामुळे नदीपात्रातील काही घटना ठळक लक्षात येत आहे.अशीच घटना आज सकाळी दिनाक २६ मार्च रोजी सकाळी १० वांजेपुर्वी जवळच्या नागरिकांच्या लक्षात आली आहे.सदर घटना लक्षात आल्यावर नागरिकांनी ही बाबत शहर पोलिस ठाण्याच्या लक्षात आणून दिली होती.त्यामुळे घटनास्थळी पोलीस निरीक्षक भगवान मथुरे यांनी आपल्या सहकऱ्यासोबत धाव घेऊन स्थल पंचनामा केला आहे.
या प्रकरणी घटनास्थळी आढळून आलेल्या तरुणाचे वय कमी म्हणजेच केवळ ३०-३५ वर्षे दिसत असून मृतदेह कुजलेल्या स्थितीत आढळून आला आहे.त्याची पोलिसांना अद्याप ओळख पटलेली नाही.या तरूनाबाबत कोणाला काही माहिती असल्यास नागरिकांनी कोपरगाव शहर पोलिस ठाणे दूरध्वनी क्रं.०२४२३ २२२ ३३३ या वर संपर्क साधावा असे आवाहन पोलिस निरीक्षक भगवान मथुरे यांनी केले आहे.
या प्रकरणी कोपरगाव शहर पोलिस ठाण्यात खबर देणार अमित साहेबराव खोकले यांच्या खबरी वरून अकस्मात मृत्यू नोंद क्रमांक अनुक्रमे -२५/२०२४ भारतीय न्याय संहिता सन-२०२३ चे कलम १९४ प्रमाणे नोंद दाखल केली आहे.घटनास्थळी शहर पोलिस ठाण्याचे पोलिस निरीक्षक भगवान मथुरे यांनी भेट दिली आहे.पुढील तपास पोलिस निरीक्षक मथुरे यांच्या मार्गदर्शनाखाली पोलिस हे.कॉ.बी.एस.कोरेकर हे करीत आहेत.
