गुन्हे विषयक
‘त्या’ गुंह्यातील पाच आरोपी जेरबंद,अन्य आरोपी फरार
न्यूजसेवा
कोपरगाव-(प्रतिनिधी)
कोपरगाव शहरात अवैध व्यवसाय करणाऱ्या उनाड टोळक्याने धिंगाणा करुन एका मा हिलेला जखमी केल्याच्या प्रकरणात शहर पोलिसांनी काल पाच जणांना अटक केली असून त्यात नकुल ठाकरे,आबु पठाण,किरण लहिरे,सलीम शेख,गुलाब शेख आदींचा समावेश असून बाकी आरोपी अटक करण्याचे बाकी असून त्यांचा पोलीस शोध घेत असल्याची माहिती उपलब्ध झाली आहे.
कोपरगाव शहरात अवैध व्यवसाय करणाऱ्या उनाड टोळ्यांचा उच्छाद पुन्हा एकदा सुरु झाला असल्याची घटना काल उघड झाली असून त्यात गांधीनगर येथील दोन टोळ्यात मोठी हाणामारी होऊन त्यात शीतल सुनील पगारे रा.इंदिरानगर हि महिला गंभीररित्या जखमी झाली होती.त्या प्रकरणी पोलीस अधिकाऱ्यांनी गंभीर दखल घेतली असून त्यात एजाज सलीम शेख,साहिल गुलाब शेख,इरफान शकील शेख,ऋत्विक कुऱ्हाडेसह २२ जणांविरुद्ध गुन्हा दाखल केला होता.
दरम्यान आज मिळालेल्या माहितीनुसार शहर पोलिसांनी केलेल्या कारवाईत नकुल धर्मराज ठाकरे,अबू शाबान शेख,
किरण शिवलाल लहीरे,सलीम लतीफ शेख,गुलाब सांडू शेख,आदींना अटक केली असल्याने त्यांची पाचावर धारण बसली आहे.
दरम्यान या प्रकरणी शहर पोलीस ठाण्यातील पोलीस निरीक्षक प्रदीप देशमुख यांचे मार्गदर्शनाखाली सहाय्यक पोलीस निरीक्षक महेश येसेकर हे अधिकचा तपास करत आहेत.
