जाहिरात-9423439946
आरोग्य

कोपरगावात रुग्णवाढीला लगाम

जाहिरात-9423439946

जनशक्ती न्यूजसेवा

कोपरगाव-(प्रतिनिधी)

कोपरगाव शहर व तालुक्यात शहरातील अनेक मान्यवरांना कोरोनाने गाठले असताना आज कोपरगाव तालुक्यात एकूण ५० अँटीजन रॅपिड टेस्ट करण्यात आल्या असून त्यात ०३ रुग्ण बाधित आले आहे.तर नगर येथें १४ स्राव तपासणीसाठी पाठवले आहे. नगर व खाजगी प्रयोग शाळा येथील तपासणीत एकही रुग्ण बाधित आढळला नसल्याची माहिती कोपरगाव ग्रामीण रुग्णालयाचे आरोग्य अधिकारी कृष्णा फुलसौन्दर यांनी दिली आहे.

नगर जिल्ह्यात बाधित रुग्णांचा आकडा ५५ हजार ९२१ जाऊन पोहचला आहे.तर आता पर्यंत ८५३ जणांनी आपले प्राण देऊन किंमत चुकवली आहे.कोपरगाव तालुक्यातील गत काही दिवसातील रुग्ण धरून ३७ जणांना आपले प्राण गमवावे लागले आहे.गत काळात ग्रामीण भागात अधिक प्रमाणावर रुग्ण होते आता मात्र ते कमी झाले आहे.हि समाधानाची बाब आहे.

दरम्यान कोपरगाव शहरात आज श्रद्धा परडाइज येथे एक महिला वय-५८,गुरुद्वारा रोड एक महिला वय-३७ आदी दोन रुग्ण बाधित आढळले आहे.तर ग्रामीण भागात आज संवत्सर येथे एक महिला रुग्ण वय-६५ आढळला आहे.

दरम्यान आज कोपरगाव तालुक्यात एकूण बाधित रुग्णांची संख्या ०२ हजार १५७ इतकी झाली आहे.त्यात ३२ रुग्ण सक्रिय आहेत,तर आज पर्यंत ३७ जणांचे कोरोना साथीने निधन झाले आहे.आजपर्यंत कोपरगाव तालुक्याचा मृत्युदर १.७१ टक्के आहे.आतापर्यंत १२ हजार ३८९ जणांचे श्राव तपासले आहेत यातून बाधित रुग्णांचा दहा लाखाला ४९ हजार ५५६ इतका आढळला आहे.तर बाधित रुग्ण दर १७.४१ असा आढळला आहे तर आतापर्यंत कोरोनातून उपचारानंतर बरे झालेल्या रुग्णाची संख्या ०२ हजार ०८८ इतकी झाली आहे.टक्केवारीत हा दर ९६.८० टक्के झाला आहे.दरम्यान ग्रामीण व शहरी भागातील बाधित आकडेवारी कमी झाल्यामुळे नागरिकांत समाधान निर्माण झाले आहे. तरी मात्र नागरिकांनी आगामी काळात प्रतिबंधात्मक उपायाबाबत अजून दक्षता घेतल्यास रुग्ण वाढ रोखता येईल असा विश्वास तालुका वैद्यकीय अधिकारी डॉ.संतोष विधाते यांनी शेवटी म्हटले आहे.

Related Articles

Close