धामोरी विद्यालयात सांस्कृतिक कार्यक्रमाचे आयोजन

कोपरगाव तालुक्यातील धामोरी येथील न्यू इंग्लिश स्कूल विद्यालयात विद्यार्थ्यांच्या कलागुणांना वाव देण्यासाठी सांस्कृतिक कार्यक्रमाचे आयोजन मोठ्या उत्साहात करण्यात आले होते. त्याला विद्यार्थी ,पालक यांचा उत्साहवर्धक प्रतिसाद लाभला आहे.

सांस्कृतिक कार्यक्रमात विद्यार्थ्यांनी आपल्यातील गुणाचे प्रदर्शन करत देशभक्तीपर गीत,लोकगीत,विविध प्रांतिक नृत्य,लावणी,कोळीनृत्य,समाजप्रबोधनपर नाटिका आदींचे सादरीकरण केले.या कार्यक्रमास मोठ्या प्रमाणात पालकांकडून उत्साहवर्धक प्रतिसाद लाभला आहे.

या कार्यक्रमास सरपंच जयश्री भाकरे, काळे कारखान्याचे माजी संचालक चंद्रशेखर कुलकर्णी,राष्ट्रवादीचे तालुकाध्यक्ष माधव खिलारी,भगवान माळी,श्रीकृष्ण गाडे,पुंडलिक माळी,कैलास माळी,अशोक म्हस्के,माणिक सोमासे,अरुण भाकरे,सुदाम गाडे,भास्कर वाघ,दत्तात्रय वाघ,सुभाष उसळे,,बाळासाहेब माळी,पोपट माळी,गोरक्षनाथ सोनवणे,वऱ्हाडे नळे,घुले दत्तात्रय,काकासाहेब खर्डे,निवृत्ती शिंदे आदी मान्यवर तसेच शिक्षणप्रेमी ग्रामस्थ मोठ्या प्रमाणात उपस्थित होते.