साखरपुड्याला आले आणि मुलगी घेऊन गेले

कोपरगाव तालुक्यातील वेळापूर येथील अशोक रामभाऊ आहेर यांचा मुलगा प्रमोद याचा साखरपुडा नुकताच संपन्न झाला असून या साखरपुड्यातच काही पाहुण्यानी लग्नाचा प्रस्ताव ठेवला त्यावर दोन्ही बाजूनी होकार आल्यावर लागलीच लग्न लावून देण्यात आल्याची घटना घडली आहे.

सिन्नर तालुक्यातील विघनवाडी येथील प्रगतशील शेतकरी धोंडू विघ्ने यांची नात व विलास धोंडू विघ्ने यांची कन्या योगिता हिच्याशी साखरपुडा झाल्यानंतर अशोकराव आहेर मुलाचे वडील यांनी आणि धोंडू पंजा विघ्ने या दोघांनी निर्णय घेऊन अचानक दुपारी चार वाजता त्यांचा वस्तीवर लग्न संभारभ पार पडला असाच आदर्श आपण सर्वांनी घ्यावा असे आवाहन सिन्नर तालुक्याचे माजी आमदार राजाभाऊ वाजे, यांनी केले आहे.

या प्रसंगी कोपरगाव तालुक्याचे माजी आ.अशोक काळे जिल्हा परिषद सदस्य सुधाकर दडवते,पंचायत समितीचा सभापती पौर्णिमा जगधने, माजी पोलीस उपनिरीक्षक अशोक भगत, दगु गोरे असे अनेक मान्यवर उपस्थित होते