…या महाविद्यालयाला केंद्राच्या स्टार कॉलेज योजनेची मान्यता

जाहिरात-9423439946

न्यूजसेवा

कोपरगाव-(प्रतिनिधी)

कोपरगाव याथील स्थानिक के. जे. सोमैया महाविद्यालयाला केंद्र सरकारच्या दिल्ली इथलं जैव तंत्रज्ञान विभाग,विज्ञान व तंत्रज्ञान मंत्रालय यांचेकडून,’स्टार कॉलेज’ योजनेअंतर्गत अनुदान मान्यता मिळाल्याची माहिती महाविद्यालयाचे प्राचार्य डॉ.बी.एस.यादव यांनी आमच्या प्रतिनिधीस दिली आहे.

शैक्षणिक गुणवत्तेच्या जोरावर पुणे येथील सावित्रीबाई फुले विद्यापीठात नावलौकिक मिळविलेल्या के.जे.सोमैया महाविद्यालयाला बंगलोर स्थित नॅक संस्थेने दोन वेळा ‘अ’ श्रेणी देऊन गौरवान्वित केलेले असून विद्येचे माहेरघर म्हणून ओळखल्या गेलेल्या सावित्रीबाई फुले पुणे विद्यापीठाने ‘उत्कृष्ट महाविद्यालय’ म्हणुन पुरस्कृत केलेले आहे.

दरम्यान या पूर्वी महाविद्यालयातील क्रिडा विभागाच्या अनेक विद्यार्थ्यांनी राष्ट्रीय-आंतरराष्ट्रीय स्तरावर नैपुण्य प्राप्त केलेले असून अक्षय आव्हाड या विद्यार्थ्यास महाराष्ट्र शासनाचा शिवछत्रपती राज्य क्रिडा पुरस्कार प्राप्त झालेला आहे.ग्रामीण भागातील विद्यार्थ्यांसाठी सुरू केलेल्या या महाविद्यालयाने संशोधन,विज्ञान व तंत्रज्ञान क्षेत्रात मिळवलेले यश लक्षवेधी आहे.

दरम्यान शैक्षणिक क्षेत्रात दिलेल्या भरीव योगदानाबद्दल महाविद्यालयाचे प्राचार्य डॉ.बी.एस.यादव यांना जीवन गौरव पुरस्कार देऊन सन्मानित करण्यात आलेले आहे.या शिवाय महाविद्यालयातील अनेक प्राध्यापकांना सावित्रीबाई फुले पुणे विद्यापीठाने पुरस्कार देऊन सन्मानित केलेले आहे.तसेच विज्ञान व तंत्रज्ञान शाखेतील अनेक प्राध्यापकांनी आपल्या विषयात भारत सरकारचे पेटेंट ही मिळविलेले आहे.

महाविद्यालयातील अंतर्गत फॅकल्टी एक्सचेंज व स्टुडेन्ट एक्सचेंज प्रोग्राम हे आंतरराष्ट्रीय स्तरावर राबविण्यात आलेले आहे.तसेच राष्ट्रीय-आंतरराष्ट्रीय स्तरावरील अनेक संस्थेशी सामजस्य करार झालेले आहे.महाविद्यालयाने रोजगाराभिमुख अनेक कोर्सस सूरू केलेले असुन अनेक विषयात पीच-डी रिसर्च सेंटर सुरू झाले आहे.या रिसर्च सेंटरमध्ये एकुण १७० पेक्षाही अधिक विद्यार्थ्यांनी आपला प्रवेश नोंदविलेला आहे.

या अनुदानाचा उपयोग विज्ञान व तंत्रज्ञान शाखेच्या विभागांना होणार असुन यामुळे विद्यार्थ्यांना अधिक शैक्षणिक सुविधा उपलब्ध होणार आहे.महाविद्यालयाला मिळालेल्या या यशाबद्दल कोपरगांव तालुका एज्युकेशन सोसायटीचे अध्यक्ष अशोक रोहमारे,सचिव ऍड.संजिव कुलकर्णी,विश्वस्त संदिप रोहमारे आदीनी अभिनंदन केले आहे.