…या देवस्थानला एम.११ इलेक्ट्रिक बग्गी देणगी !

न्यूजसेवा

कोपरगाव-(प्रतिनिधी)

  शिर्डी येथील श्री साईबाबा संस्थानला एम.११ इलेक्ट्रिक बग्गी देणगी स्वरूपात प्राप्त बेंगळुरू येथील साईभक्त व्यंकट सुब्रमण्यम व्यंकटकृष्णन यांच्या देणगीतून अपंग व वृद्ध साईभक्तांच्या सोयीसाठी मैनी कंपनीची एम.११ इलेक्ट्रिक बग्गी श्री साईबाबा संस्थानला देणगी स्वरूपात प्राप्त झाली आहे.

  या नवीन वाहनाची देणगीदार साईभक्तांच्या हस्ते विधीवत पूजा करण्यात आल्यानंतर त्यांनी सदर इलेक्ट्रिक बग्गीची चावी संस्थानचे मुख्य कार्यकारी अधिकारी गोरक्ष गाडीलकर यांच्याकडे सुपूर्द केली आहे.

  यावेळी संस्थानचे उप मुख्य कार्यकारी अधिकारी भिमराज दराडे,प्रशासकीय अधिकारी संदीपकुमार भोसले व अतुल वाघ आदी उपस्थित होते.ही पर्यावरणपूरक इलेक्ट्रिक गाडी अपंग व वृद्ध साईभक्तांच्या सुविधेसाठी उपयुक्त ठरणार आहे.