धार्मिक
…या संस्थानला ३१ लाखांची कार भेट,सर्वत्र कौतुक

न्यूजसेवा
कोपरगाव-(प्रतिनिधी)
शिर्डी येथील श्री साईबाबा संस्थान विश्वस्तव्यवस्थेचा महिंद्रा अॅण्ड महिंद्रा या उद्योग समुहाकडून रु.३१ लाख किंमतीची एक्स.यू.व्ही.७०० ए.एक्स.७ ए.टी.(XUV700 AX7 D AT) या श्रेणीतील गाडी देणगी स्वरुपात प्राप्त झाली असल्याची माहिती संस्थानचे प्रशासकीय अधिकारी डॉ.आकाश किसवे यांनी आमच्या प्रतिनिधीस दिली आहे.
श्री साईबाबा संस्थान विश्वस्तव्यवस्था,शिर्डीला महिंद्रा अॅण्ड महिंद्रा उद्योग समुहाकडून यापुर्वी व्हायोजर,बोलेरो, स्कॉर्पिओ,झायलो,लोगान,मॅक्सिमो,युवराज (ट्रॅक्टर),एक्स.यु.व्ही.५००,एक्स.यु.व्ही.३००,मराझो,थार असे विविध श्रेणीतील एकुण १५ चार चाकी वाहने व ०२ दुचाकी वाहने देणगी स्वरुपात प्राप्त झालेले आहेत.
आज शनिवार,दि.२२ रोजी महिंद्रा अॅण्ड महिंद्राचे प्रेसिडेंट विजय नाकारा यांनी संस्थानचे प्रशासकीय अधिकारी डॉ.आकाश किसवे यांच्याकडे सदर गाडीची चावी सुपूर्त केली आहे.या गाडीची महिंद्रा अॅण्ड महिंद्रा उद्योग समुहाचे प्रेसिडेंट विजय नाकारा व संस्थानचे प्रशासकीय अधिकारी डॉ.आकाश किसवे यांच्या हस्ते विधिवत पूजा करण्यात आली.यावेळी महिंद्रा अॅण्ड महिंद्रा उद्योग समुहाचे झोनल सर्व्हीस हेड अनिल राय,संस्थानचे कार्यकारी अभियंता बी.डी.दाभाडे,वाहन विभाग प्रमुख अतुल वाघ,मंदिर विभाग प्रमुख रमेश चौधरी,प्र.जनसंपर्क अधिकारी तुषार शेळके आदि उपस्थित होते.
श्री साईबाबा संस्थानचे वतीने प्रशासकीय अधिकारी डॉ.आकाश किसवे यांचे हस्ते महिंद्रा अॅण्ड महिंद्रा उद्योग समुहाचे प्रेसिडेंट विजय नाकारा यांचा श्रींची मुर्ती व शॉल देऊन सत्कार करण्यात आला आहे.
श्री साईबाबा संस्थान विश्वस्तव्यवस्था,शिर्डीला महिंद्रा अॅण्ड महिंद्रा उद्योग समुहाकडून यापुर्वी व्हायोजर,बोलेरो, स्कॉर्पिओ,झायलो,लोगान,मॅक्सिमो,युवराज (ट्रॅक्टर),एक्स.यु.व्ही.५००,एक्स.यु.व्ही.३००,मराझो,थार असे विविध श्रेणीतील एकुण १५ चार चाकी वाहने व ०२ दुचाकी वाहने देणगी स्वरुपात प्राप्त झालेले आहेत.आजही महिद्रा एक्स यु. व्ही. ७०० ए.एक्स.७ अे.टी. या श्रेणीतील ३१ लाख किंमतीची गाडी देणगी स्वरुपात दिली असल्याचे सर्वत्र कोतुक होत आहे.