गुन्हे विषयक
अल्पवयीन मुलगी पळवली,कोपरगावात गुन्हा दाखल
न्यूजसेवा
कोपरगाव-(प्रतिनिधी)
कोपरगाव तालुक्याच्या पश्चिमेस कोपरगाव तालुका पोलीस ठाण्याच्या हद्दीत रहिवासी असलेली अल्पवयीन मुलगी अज्ञात कारणासाठी मुर्शतपुर येथील आकाश नावाच्या (पूर्ण नाव उपलब्ध नाही) आरोपीने अज्ञात कारणासाठी पळवून नेली असल्याची फिर्याद अपहरीत मुलीच्या पित्याने कोपरगाव तालुका पोलीस ठाण्यात दाखल केली आहे.त्यामुळे कोपरगाव तालुक्यात खळबळ उडाली आहे.
फिर्यादी मुलीचा पिता हा आपल्या मुलीसह कोपरगाव तालुका पोलीस ठाण्याच्या हद्दीत रहिवासी असून त्यांचा मजुरीचा व्यवसाय आहे.त्यास अल्पवयीन मुलगी असून तिला शुक्रवार दि.०९ डिसेंबर २०२२ रोजी सकाळी ०९ ते ०६ वाजेच्या दरम्यान आपल्या कायदेशीर रखवालीतून अज्ञात कारणासाठी मूर्शतपुर येथील आकाश नावाच्या आरोपीने फूस लावून पळवून नेले असल्याची फिर्याद कोपरगाव तालुका पोलीस ठाण्यात दाखल केली आहे.
जराशी समज येण्याच्या वयातच अल्पवयीन मुलींना प्रेमाची फूस लावून पळवून नेण्याच्या घटनांमध्ये वाढ होत आहे.शहर व तालुक्यात आठवड्यातून व पंधरा दिवसातून एक तरी अल्पवयीन मुलगी पळून गेल्याची तक्रार पोलिस ठाण्यात दाखल होते.अल्पवयीन मुलगी बेपत्ता झाल्यामुळे न्यायालयाचे आदेशानुसार अशा घटनांमध्ये पोलिसांकडून अपहरणाची तक्रार दाखल केली जाते.मुलीचा शोध घेतल्यानंतर ‘ती’ मित्रासोबत पळून गेल्याचे लक्षात येते.मुलीचे पालक पोलिसांकडे मुलीचा शोध घेऊन तिच्या मित्रावर गुन्हा दाखल करण्यास सांगतात.पोलिस देखील काही प्रकरणांमध्ये मुलीचा शोध घेऊन तिला परत घेऊन येतात.संबंधित मुलावर गुन्हा दाखल केला जातो.कधी-कधी पोलिसांना अशा प्रकरणांत बाल लैंगिक अत्याचार प्रतिबंधक कायद्यानुसार गुन्हा दाखल करावा लागतो.यामध्ये मुलीच्या पालकांना मोठा त्रास सहन करावा लागतो.अशीच घटना कोपरगाव तालुका पोलीस ठाण्याच्या हद्दीत घडली आहे.कोपरगाव तालुक्यात अशा घटनात मोठी वाढ झाली आहे.गत पाच महिन्यात निव्वळ तालुका पोलीस ठाण्याच्या हद्दीत जवळपास अशा दोनशेच्यावर घटना उघड झाल्या आहेत.
सदरचे सविस्तर वृत्त असे की,फिर्यादी मुलीचा पिता हा आपल्या मुलीसह कोपरगाव तालुका पोलीस ठाण्याच्या हद्दीत रहिवासी असून त्यांचा मजुरीचा व्यवसाय आहे.त्यास अल्पवयीन मुलगी असून तिला शुक्रवार दि.०९ डिसेंबर २०२२ रोजी सकाळी ०९ ते ०६ वाजेच्या दरम्यान अपल्या कायदेशीर रखवालीतून अज्ञात कारणासाठी मूर्शतपुर येथील आकाश नावाच्या आरोपीने (पूर्ण नाव उपलब्ध नाही) फूस लावून पळवून नेले असल्याची फिर्याद कोपरगाव तालुका पोलीस ठाण्यात अपहरीत मुलीच्या पित्याने दाखल केली आहे.दरम्यान घटनास्थळी पोलीस निरीक्षक दौलतराव जाधव सहाय्यक फौजदार आंधळे यांनी भेट दिली आहे.
कोपरगाव तालुका पोलीसांनी या आरोपी विरुद्ध आज दुपारी आपल्या दप्तरी गु.र.क्रं.४९५/२०२२ भा.द.वि.कलम ३६३ प्रमाणे दाखल केला आहे.पुढील तपास तालुका पोलीस निरीक्षक दौलतराव जाधव यांचे मार्गदर्शनाखाली सहाय्यक फौजदार ए.एम.आंधळे हे करीत आहेत.
