कोपरगावात आंबेडकर जयंतीस गालबोट,दोन गटात राडा,गुन्हा दाखल

जाहिरात-9423439946

न्युजसेवा

कोपरगाव-(नानासाहेब जवरे)

   काल देशभर देशाचे घटनाकार भारतरत्न डॉ.बाबासाहेब आंबेडकर यांची जयंती मोठ्या उत्साहात संपन्न होत असताना कोपरगाव शहरात मात्र या उत्साहास गालबोट लागले असून रात्री ११.४० वाजेच्या सुमारास दोन गटात चॉपरणे एकमेकावर वार झाले असून यात शुभम साहेबराव शिंदे,(वय-२९) व योगेश संजय शिंदे दोघे रा.सुभाषनगर व विजय भास्कर पाटोळे हे तीन जण जखमी झाले आहे.या प्रकरणी कोपरगाव शहर पोलिस ठाण्यात १० जणांवर गुन्हा दाखल झाला आहे.त्यामुळे कोपरगाव शहरात खळबळ उडाली आहे.

  डॉ.आंबेडकर जयंती किंवा भीम जयंती,डॉ.भीमराव आंबेडकर,ज्यांना डॉ.बाबासाहेब आंबेडकर म्हणूनही ओळखले जाते,त्यांचा वाढदिवस १४ एप्रिल रोजी भारतासह जगभरात एक उत्सव म्हणून साजरा केला जातो.आयुष्यभर समानतेसाठी लढणारे आंबेडकर यांना समानता आणि ज्ञानाचे प्रतीक मानले जाते.आंबेडकर हे त्यांच्या मानवी हक्क चळवळीसाठी,संविधान निर्मितीसाठी आणि त्यांच्या अफाट विद्वत्तेसाठी जगभरात ओळखले जातात आणि त्यांना अभिवादन करण्यासाठी हा दिवस साजरा केला जातो कोपरगाव येथे तो दिवस मोठ्या जल्लोषात साजरा होत असताना रात्री ११.४० वाजेच्या सुमारास मिरवणूक सुरू असताना फिर्यादी शुभम साहेबराव शिंदे याचा चुलतभाऊ योगेश शिंदे यांस रोहित बाबुराव डोखे,सुमित बाबुराव डोखें,अनिल सुधाकर रन्नवरे,गणेश सुधाकर रन्नवरे संजय साठे सर्व रां.सुभाषनगर यांनी शिवीगाळ केली असून त्यात आरोपींनी सुभाषनगर येथे थेट चॉपरचा वापर केला असल्याचे धक्कादायक वृत्त आहे.यात शुभम साहेबराव शिंदे,(वय-२९) व योगेश संजय शिंदे दोघे रा.सुभाषनगर व विजय भास्कर पाटोळे हे तीन जण जखमी झाले आहे.

   दरम्यान यात पहिला गुन्हा विजय भास्कर पाटोळे याने दाखल केला असून त्यात त्याने म्हंटले आहे की,”आपण रात्री घरी असताना यातील आरोपी योगेश शिंदे,शुभम शिंदे,संतोष निवृत्ती शिंदे आदींनी जीतेन्द्र रनशुर याचे सांगणें वरून आपल्याला व आपले नातेवाईक यांना मारहाण केली आहे.यातील आरोपी योगेश संजय शिंदे याने त्याचे जवळील लोखंडी चॉपरणे जीवे मारण्याचे उद्देशाने आपल्या डोक्यात मारून गंभीर जखमी केले असल्याचे म्हंटले आहे.

  तर दुसऱ्या फिर्यादीत शुभम शिंदे हा फिर्यादी असून त्याने आपल्या फिर्यादीत म्हंटले आहे की,”रात्री २२.४० वाजेच्या सुमारास अनिल सुधाकर रन्नवरे यांचे सुभाषनगर येथील घरासमोर यातील शुभम शिंदे याचा चुलतभाऊ योगेश शिंदे यास डॉ.बाबासाहेब आंबेडकर यांचे जयंतीच्या मिरवणुकीत सुभाषनगर येथील रहिवासी संजय साठे याने धक्का दिल्याचे कारणावरून आरोपी रोहित बाबुराव डोखें,सुमित बाबुराव डोखे,अनिल सुधाकर रन्नवरे गणेश सुधाकर रन्नवरे,गणेश सुधाकर रन्नवरे आदींनी संजय साठे याने धक्का दिल्याचे कारणावरून या गुन्ह्यातील आरोपी यांनी वाईटसाईट शिवीगाळ करून आपल्याला लाथाबुक्क्यांनी मारहाण केली व अनिल सुधाकर रन्नवरे याने फिर्यादीस ,”तुमची एकएकाची खुमखुमी कायमची जिरवतो,तुमचे लई झाले आहे’ असे म्हणून आपल्याला व आपल्या चुलत भावास जीवे ठार मारण्याचे उद्देशाने डोक्यात,पोटात चॉपरणे वार करून जीवे ठार मारण्याचा प्रयत्न केला असल्याचा गुन्हा वरील आरोपींवर केला आहे.

   या प्रकरणी कोपरगाव शहर पोलिस ठाण्यात गुन्हा क्रमांक-८३ व ८४/२०२४भारतीय न्याय संहिता सन-२०२३ चे कलम १०९(१),११५(५),३५२,१८९,(२),१९१(२),१९१(३),१९०,६१(२) प्रमाणे आरोपी विरुद्ध गुन्हा दाखल केला आहे.सदर घटनास्थळी पोलिस निरीक्षक भगवान मथुरे,सहाय्यक पोलीस निरीक्षक किशोर पवार,पोलिस उपनिरीक्षक दिपक रोठे,भूषण हांडोरे,संजय पवार आदींनी भेट दिली आहे.पुढील तपास पोलिस निरीक्षक मथुरे यांच्या मार्गदर्शनाखाली पोलिस उपनिरीक्षक संजय पवार हे करीत आहेत.