गुन्हे विषयक
कोपरगाव तालुक्यात ट्रॅक्टर अपघात,एक ठार
जनशक्ती न्यूजसेवा
कोपरगाव-(प्रतिनिधी)
कोपरगाव तालुक्यातील संवत्सर शिवारात संवत्सर ते वारी या रस्त्यावर अमर ठाकरे यांचे घरासमोर विना क्रमांकाचा कर्मवीर काळे सहकारी साखर कारखाण्याचा ऊस वाहतूक करणारा ट्रॅक्टर चालकाने आपल्या ताब्यातील वाहन हयगईने चालवून त्या ट्रॅक्टरचा अपघात होऊन त्याखाली कल्पेश प्रकाश भाले (वय-२४) रा.शिउर ता.वैजापूर या तरुणांचे जागेवरच निधन झाले आहे.या प्रकरणी कोपरगाव शहर पोलिसानी आपल्या दप्तरी वाहन चालक दीपक सखाहारी दिवेकर रा.शिउर याचे विरुद्ध गुन्हा दाखल केला आहे.
सदरचा ट्रॅक्टर हा ऊस आणण्यासाठी कोळपेवाडी वरून संवत्सर-वारी या मार्गाने रात्रीच्या सुमारास जोराने जात असताना ट्रॅक्टर चालकाने रस्त्याच्या दुर्दशेचा विचार न करता हयगईने जोराने चालवला त्यामुळे ट्रॅक्टर पलटी होऊन या अपघाताने चालकाशेजारी बसलेला तरुणासह दोघेही ट्रॅक्टरखाली दाबले गेले मात्र चालक मात्र आश्चर्यकारक रित्या बचावला आहे.
सदरचे वृत्त असे की,आरोपी दीपक दिवेकर व मयत कल्पेश भाले यांचा ट्रॅक्टर हा कोपरगाव तालुक्यातील कर्मवीर काळे सहकारी साखर कारखान्याचा ऊस वहातुक करण्याचा व्यवसाय करत आहे.दि.२५ मार्च रोजी सायंकाळी आठ वाजेच्या सुमारास सदरचा ट्रॅक्टर हा ऊस आणण्यासाठी कोळपेवाडी वरून संवत्सर-वारी या मार्गाने रात्रीच्या सुमारास जोराने जात असताना ट्रॅक्टर चालकाने रस्त्याच्या दुर्दशेचा विचार न करता हयगईने जोराने चालवला त्यामुळे ट्रॅक्टर पलटी होऊन या अपघाताने चालकाशेजारी बसलेला तरुणासह दोघेही ट्रॅक्टरखाली दाबले गेले मात्र चालक मात्र आश्चर्यकारक रित्या बचावला आहे.तर शेजारी बसलेला तरुण हा ट्रॅक्टरखाली सापडून जागीच ठार झाला आहे.या घटनेची नजीकच्या ग्रामस्थांनी दखल घेऊन जखमीस कोपरगाव ग्रामीण रुग्णालयांत उपचारासाठी भरती केले असता उपचार करणाऱ्या वैद्यकीय अधिकाऱ्यानी त्यास मृत घोषित केले आहे.या प्रकरणी फिर्यादी रवी गोकुळ बारवाल (वय-२१) हाजीपूरवाडी ता.वैजापूर यांनी कोपरगाव शहर पोलीस ठाण्यात आरोपी विरुद्ध गुन्हा दाखल केला आहे.या प्रकरणी कोपरगाव शहर पोलीस ठाण्यात गु.र.क्रं.९७/२०२१ भा.द.वि.कलम ३०४(अ),२७९,३३७,३३८,४२७ मोटर वाहन कायदा कलम १८४ प्रमाणे आरोपी चालक दीपक सखाहारी दिवेकर याचे विरुद्ध गुन्हा दाखल केला आहे.पुढील तपास पोलीस निरीक्षक वासुदेव देसले यांच्या मार्गदर्शनाखाली पोलीस नाईक ए.एम.दारकुंडे हे करीत आहेत.
