निधन वार्ता
चांगदेव भोसले यांचे निधन
न्युजसेवा
संवत्सर (वार्ताहर)
कोपरगांव तालुक्यातील संवत्सर येथील पढेगांव रस्त्यावरील रहिवासी व ज्येष्ठ कार्यकर्ते व प्रगतशील शेतकरी चांगदेव बाबुराव पा.भोसले (वय ६८)यांचे रविवार दि.१ डिसेंबर रोजी रात्री ८ वाजता वृध्दापकाळाने निधन झाले आहे.त्यांच्या निधनाने सर्वत्र हळहळ व्यक्त होत आहे.
दरम्यान या प्रसंगी अनेकांनी कै.भोसले पाटील यांना आदरांजली वाहिली.जिल्हा परिषदेचे माजी सदस्य व गोदावरी दूध संघाचे अध्यक्ष राजेश परजणे पाटील यांनी भोसले कुटुंबाची भेट घेऊन त्यांचे सांत्वन केले आहे.
आज सोमवारी दि.२ डिसेंबर रोजी सकाळी संवत्सर येथील गोदावरी काठावर त्यांच्यावर शोकाकुल वातावरणात त्यांचेवर अंत्यसंस्कार करण्यात आले आहे.यावेळी परिसरातून मोठा जनसमुदाय उपस्थित होता.
कै.चांगदेवराव भोसले यांचा प्रगतशील शेतकरी म्हणून लौकीक होता.स्व.नामदेवराव परजणे यांचे विश्वासू सहकारी म्हणून त्यांनी सामाजिक,राजकीय क्षेत्रात भरीव योगदान दिले.मनमिळावू व धार्मिक स्वभावामुळे त्यांनी समाजात आदराचे स्थान मिळविले होते.त्यांचे थोरले चिरंजीव संतोष यांचे दि.२९ ऑगस्ट २०२२ रोजी निधन झालेले असून आता कै.चांगदेव पा.भोसले यांच्यामागे योगेश हे चिरंजीव,पत्नी,सुना,नातवंडे,मुलगी सुवर्णा गवळी असा परिवार आहे.
संवत्सर येथे गोदावरी काठावर कै.भोसले अंत्यसंस्कार करण्यात आलेत.अनेकांनी कै.भोसले पाटील यांना आदरांजली वाहिली.जिल्हा परिषदेचे माजी सदस्य व गोदावरी दूध संघाचे अध्यक्ष राजेश परजणे यांनी भोसले कुटुंबाची भेट घेऊन त्यांचे सांत्वन केले.कै.चांगदेव भोसले यांच्या निधनामुळे संवत्सर परिसरातून हळहळ व्यक्त होत आहे.
