गुन्हे विषयक
चाकूने हल्ला,कारखान्याचे माजी संचालक जखमी,कोपरगावात गुन्हा दाखल
न्यूजसेवा
कोपरगाव-(प्रतिनिधी)
कोपरगाव तालुक्यातील दहिगाव बोलका येथील रहिवासी व संजीवनी सहकारी साखर कारखान्याचे माजी संचालक डॉ.गुलाबराव बाजीराव वरकड (वय-६२) हे त्यांच्या घराजवळ दोन तरुणात भांडण चालू असताना ते सोडविण्यासाठी गेले असता आरोपी गौरव विश्वनाथ नेटारे याने त्यांच्यावर चाकूने हल्ला करून त्यांना गंभीर जखमी केले असल्याने दहिगाव बोलका आणि परिसरात खळबळ उडाली आहे.या प्रकरणी फिर्यादी डॉ.गुलाबराव वरकड यांनी आरोपी विरुद्ध गुन्हा दाखल केला आहे.
काल सायंकाळी ०५.१५ वाजेच्या सुमारास फिर्यादी डॉ.वरकड हे आपल्या वस्तीवर जात असताना त्यांच्या वाटेवर आरोपी गौरव नेटारे व त्याचा एक सहकारी सचिन सर्जेराव सावंत यांच्यात अज्ञात कारणावरून कडाक्याचे भांडण सुरु होते.तो वाद सोडविण्यासाठी घटनास्थळी गेले असता त्यांना समजावून सांगत असताना त्यातील एक आरोपी गौरव नेटारे याने दुसऱ्या आरोपीस सोडून थेट आपल्या हातातील चाकूने फिर्यादी डॉ.गुलाबराव वरकड यांचेवर हल्ला चढवला आहे.
सदरचे सविस्तर वृत्त असे की,फिर्यादी डॉ.गुलाबराव वरकड हे संजीवनी सहकारी साखर कारखन्याचे माजी संचालक असून ते व्यवसायाने डॉक्टर आहे.त्यांचा शेती व्यवसायही आहे.त्यांची वस्ती दहिगाव बोलका ग्रामपंचायत हद्दीत वायव्येस साधारण तीन कि.मी.अंतरावर शिवाजीनगर या उपनगराच्या पश्चिमेस हाकेच्या अंतरावर आहे.ते काल सायंकाळी ०५.१५ वाजेच्या सुमारास आपल्या वस्तीवर जात असताना त्यांच्या वाटेवर आरोपी गौरव नेटारे व त्याचा एक सहकारी सचिन सर्जेराव सावंत यांच्यात अज्ञात कारणावरून कडाक्याचे भांडण व वाद सुरु होता.त्यामुळे तो वाद सोडविण्यासाठी घटनास्थळी गेले असता त्यांनी,”तुम्ही भांडणे व हाणामाऱ्या करू नका”असे समजावून सांगत असताना त्यातील एक आरोपी गौरव नेटारे याने दुसऱ्या आरोपीस सोडून थेट आपल्या हातातील चाकूने फिर्यादी डॉ.गुलाबराव वरकड यांचेवर हल्ला चढवला आहे.त्यात त्यांच्या छातीला खालील बाजूस बरगडीजवळ गंभीर जखम झाली आहे.त्यानंतर त्याने त्यांना वाईट साईट शिवीगाळ करून त्यांना जीवे मारण्याची धमकी दिली आहे.घटनेनंतर नजीकच्या ग्रामस्थानीं आरोपीस धरून ठेऊन पोलिसांच्या ताब्यात दिला आहे.घटना घडताच त्यांनी कोपरगाव तालुका पोलीस ठाण्यात धाव घेऊन आरोपी विरुद्ध गुन्हा दाखल केला आहे.
दरम्यान त्यांनी खाजगी रुग्णालयात उपचार घेतले आहे.दरम्यान घटनास्थळी पोलीस निरीक्षक वासुदेव देसले व पोलीस हे.कॉ.राजेंद्र म्हस्के यांनी भेट दिली आहे.व आरोपीच्या मुसक्या आवळल्या आहेत.
दरम्यान या आरोपी विरुद्ध कोपरगाव तालुका पोलीस ठाण्यात गुन्हा क्रं.४७५/२०२३ भा.द.वि.कायदा कलम ३२४,३२३,५०४,५०६,३४ प्रमाणे गुन्हा दाखल केला आहे.पुढील तपास पोलीस निरीक्षक देसले यांचे मार्गदर्शनाखाली पो.हे.कॉ. राजेंद्र म्हस्के हे करत आहेत.
