कोपरगाव नगरपालिका प्रभाग निहाय मतदान यादी आकडेवाडी

न्यूजसेवा

कोपरगाव -(नानासाहेब जवरे )

महाराष्ट्रातील नगरपरिषद आणि नगरपंचायत निवडणुकांची मतमोजणी आज मोठ्या उत्साहात संपन्न झाली आहे.राज्यभरातील २४६ नगरपरिषद आणि ४२ नगरपंचायतींसाठी झालेल्या निवडणुकांचे निकाल आज जाहीर होतील. सकाळी १० वाजल्यापासून मतमोजणीला सुरुवात होऊन ती दुपारी दोनच्या सुमारास पार पडली आहे.त्यात कोपरगाव नगरपरिषदेचा समावेश आहे.या निवडणुकीत भाजपचे उमेदवार संधान पराग शिवाजी यांनी अटीतटीच्या लढतीत राष्ट्रवादीचे उमेदवार ओमप्रकाश कोयटे यांच्यावर केवळ ४०९ मतांची आघाडी घेऊन आपला विजय नोंदवला असून त्यांचा १८ हजार ५०३ मते घेतली आहे तर राष्ट्रवादीचे ओमप्रकाश कोयटे यांनी १८ हजार ०९४ एवढी मते घेतली म्हणजेच भाजप कोल्हे गटास काठावरचे बहुमत मिळाले आहे.भाजप आघाडीस (यात शिवसेना उबाठा गटाच्या ०४ जागा धरून ) १९ जागा तर राष्ट्रवादी ११ जागा मिळाल्या असून तसे चार छत्र्या निवडून आल्याचे सुतोवाच सत्ताधारी नेते आणि गटापुढे मतमोजणीच्या ठिकाणीच सेनेच्या एका ज्येष्ठ नेत्याने केले आहे.त्यामुळे आगामी काळात शिवसेना (उबाठा) गटाची दाढी कुरवाळावी लागण्याची किंवा त्यांची मदत घेऊन राष्ट्रवादी आ.काळे गट खेळी करण्याची शक्यता वाढत आहे.त्यामुळे काम करताना त्यांना मोठी कसरत करावी लागणार असल्याची चिन्हे आहे.

नगराध्यक्ष पदावर निवड झाल्यावर विजयी मिरवणुकीत नागरिकांना अभिवादन करताना माजी आ.स्नेहलता कोल्हे व नूतन नगराध्यक्ष पराग संधान आदी दिसत आहेत.

दरम्यान या निवडणुकीत राष्ट्रवादीच्या आ.आशुतोष काळे गटाने मागील ०७ जागांवरून प्रगती करत यावेळी ११ जागा मिळवून आपली प्रगती झाल्याचे अधोरेखित केले आहे.तर माजी नगराध्यक्ष विजय वहाडणे गटाला आपला अट्टाहास नडला असल्याचे दिसून आले आहे.तर शिवसेना उबाठा गटाला तुम्ही सर्व एकत्र नांदला नाही तर यापेक्षा तुमची अवस्था खड्ड्याकडून आणखी मोठ्या आणि वाईट खड्ड्याकडे होईल हा संदेश मतदारांनी आपल्या मतपेटीतून सूचकपणे दिला असल्याचे मानले जात आहे.

नगराध्यक्ष पदावर निवड झाल्यावर डॉ.बाबासाहेब आंबेडकर पुतळ्याला अभिवादन करताना संजीवनी कारखान्याचे अध्यक्ष विवेक कोल्हे,नूतन अध्यक्ष पराग संधान.

प्रभाग निहाय उमेदवारांची मतदान आकडेवारी वाचकांनी पुढे आवश्य वाचावी.

प्रभाग निहाय मतदान आकडेवारी पुढीलप्रमाणे :-