कोपरगावात पुन्हा टाळेबंदी लागू,अत्यावश्यक सेवा वगळता,सर्व बंद

राज्यात कोरोनाचा कहर दिवसेंदिवस वाढताना दिसत आहे.राज्यात चाळीस हजाराहून जास्त कोरोनाच्या रुग्णांची भर पडली आहे.त्याला कोपरगाव शहर व तालुकाही अपवाद नाही त्यामुळे शासन हादरले असून त्यांनी कोरोनाला थोपविण्यासाठी आता टाळेबंदीचे हत्यार उपसले आहे.

राज्यात कोरोनाचा कहर दिवसेंदिवस वाढताना दिसत आहे.राज्यात चाळीस हजाराहून जास्त कोरोनाच्या रुग्णांची भर पडली आहे.त्याला कोपरगाव शहर व तालुकाही अपवाद नाही.कोपरंगाव तालुक्यातुन नगरला तपासणी साठी ८८ श्राव पाठवले असून तेथून तपासून आलेल्या अहवालात ३५ बाधित रुग्ण आहे तर खाजगी प्रयोग शाळेतून तपासणी केलेल्या अहवालात ३३ तर एकूण रॅपिड टेस्ट २२० रॅपिड टेस्ट करण्यात येऊन त्या मधून ६९ असे एकूण १३७ रुग्ण बाधित आढळल्याने कोरोनाचा वाढणारा विक्रम थांबत नसल्याचे पुन्हा एकदा उघड झाले आहे.त्यामुळे राज्य सरकारसह कोपरगाव तालुका प्रशासन हादरले आहे.त्यामुळे या साथीला प्रतिबंध करण्यासाठी शासनाने कडक पावले उचलली आहेत.हा वाढता संसर्ग रोखण्यासाठी काही कडक निर्बंध लावणे बाबत महाराष्ट्र शासनाने दिनांक ४ एप्रिल २०२१ नुसार “ब्रेक द चेन” मिशन अंतर्गत दिनांक ५ एप्रिल ते ३० एप्रिल २०२१ दरम्यान सकाळी ७ ते रात्री ८ या दरम्यान जमावबंदी लागु केला आहे.या दरम्यान ५ किंवा ५ पेक्षा अधिक व्यक्ती एकत्र येवू शकणार नाहीत याची खबरदारी घेण्याचा इशारा देण्यात आला आहे. तर रात्री ८ ते सकाळी ७ या दरम्यान संचारबंदी असेल यावेळेत नागरिकांनी अत्यावश्यक कामाशिवाय बाहेर फिरू नये असे आवाहन करण्यात येऊन शहरातील खालीलप्रमाणे सेवा सुरु व बंद राहतील असे बजावले आहे.वैद्यकीय सेवा,दवाखाने,औषधी आस्थापना २४ तास सुरु राहतील.किराणा,औषधी, भाजीपाला,डेअरी,खाद्यपदार्थ,स्वीट मार्ट,बेकरी आदी जीवनावश्यक व आवश्यक वस्तूची दुकाने सूर राहील. व इतर सर्व दुकाने,बाजरपेठ, मॉल्स बंद राहतील.शेती व शेतीविषयक कामे,अन्नधान्य व शेतमालाची वाहतूक नेहमीप्रमाणे सुरळीतपणे सुरू राहील. सार्वजनिक व खासगी अशी सर्व प्रकारची वाहतूक नियमितपणे सुरूच राहील.रिक्षांमध्ये चालक व दोन प्रवासी वाहतूक परवानगी असेल.बँका,वित्तीय सेवा सोडून इतर खासगी कार्यालये बंद असेल.खासगी कार्यालयांनी पूर्णपणे वर्क फ्रॉम होम करणे बंधनकारक राहील.शासकीय कार्यालये- ५० टक्के उपस्थितीत सुरु राहतील.कोविड संबंधी उपाय योजनासह. चित्रपटगृहे,मल्टिप्लेक्स,नाट्यगृहे,व्हिडीओ पार्लर्स, क्लब्स,जलतरण तलाव,क्रीडा संकुले,सभागृहे, वॉटर पार्क्स,गार्डन,व्यायमशाळा पूर्णपणे बंद राहतील.
सर्वधर्मीयांची प्रार्थना स्थळे दर्शनासाठी बंद राहतील. बाहेरून येणारे भक्त व दर्शनार्थीसाठी बंद राहतील मात्र या ठिकाणी काम करणारे कर्मचारी,पुजारी वगैरे यांना दैनंदिन पूजा अर्चा करता येईल. रेस्टॉरंट, हॉटेल्स व बार पूर्णतः बंद राहतील.बाहेरील व्यक्तीसाठी प्रवेश असणार नाही. मात्र टेक अवे किंवा पार्सलची सेवा सकाळी ७ ते रात्री ८ या वेळेत सुरू राहील.रस्त्याच्या कडेला असणाऱ्या खाद्य विक्रेत्यांना सकाळी ७ ते रात्री ८ केवळ पार्सल सेवेसाठी व्यवसाय सुरू ठेवता येईल. पार्सलची वाट पाहणाऱ्या ग्राहकांना सुरक्षित अंतर नियमांचे पालन करावे लागेल. मात्र नियमांचे पालन होत नाही असे दिसले तर ते पूर्णपणे बंद करण्यात येईल.सर्व सलून्स,ब्युटी पार्लर्स, स्पा बंद राहतील.वृत्तपत्रे छपाई आणि वितरण नेहमीप्रमाणे सुरू ठेवण्यात येईल.शाळा-महाविद्यालये बंद राहतील. मात्र १० वी व १२ वी परीक्षांचा अपवाद असेल.सर्व खासगी क्लासेस बंद राहतील. उद्योग व उत्पादन क्षेत्र सुरूच राहील, मात्र मात्र याठिकाणी आरोग्याचे नियम पाळले गेलेच पाहिजेत याची काळजी व्यवस्थापनाने घ्यावी.बांधकामे सुरू असलेल्या ठिकाणी मजूर, कामगारांनी राहणे गरजेचे आहे.केवळ साहित्याची वाहतूक करण्यासाठी परवानगी देण्यात येईल.