गुन्हे विषयक
गळ्यातील मंगळसूत्रावर चोरट्यांचा डल्ला,दोन जणांविरुद्ध गुन्हा
न्यूजसेवा
कोपरगाव-(प्रतिनिधी)
कोपरगाव तालुक्यातील येसगाव ग्रामपंचायत हद्दीत असलेल्या दुकान चालक महिलेचे कोल्डड्रिंक विकत घेण्याच्या बहाण्याने बजाज पल्सर या दुचाकीवरून आलेल्या अज्ञात दोन चोरट्यानी महिलेच्या गळ्यातील दीड तोळा वजनाचे सुमारे एक लाख किंमतीचे मणी मंगळसूत्र ओरबाडून धूम ठोकली असल्याचा गुन्हा फिर्यादी महिला ज्योती रवींद्र चिंचोले (वय-४०) रा.येसगाव यांनी कोपरगाव तालुका पोलीस ठाण्यात दाखल झाल्याने येसगाव आणि परिसरात खळबळ उडाली आहे.
दरम्यान दुपारी तीनच्या सुमारास अज्ञात दोन इसम महिलेच्या दुकानावर आपल्याच विना क्रमांकाच्या पल्सर या दुचाकी वरून आले होते.त्यातील एक इसमाने गळ्यातील मणी मंगळसूत्र गळा पकडून ओरबाडून पोबारा केला आहे.पोलिसांनी आपल्या दप्तरी पन्नास हजाराची चोरी नोंदवली आहे.
कोपरंगाव तालुक्यात गुन्ह्यांची मालिका वाढत चालली असून यावर पोलिसांनी लक्ष देण्याची गरज निर्माण झाली आहे.त्यामुळे भुरट्या चोऱ्यात लक्षणीय वाढ झाली आहे.अशीच घटना गुरुवार दि.२१जून रोजी सकाळी ०७ वाजेच्या सुमारास घडली असून फिर्यादी महिला ज्योती चिंचोले यांचे येसगाव हद्दीत नगर-मनमाड रस्त्याच्या कडेला किराणा दुकान आहे.ते सकाळी ०७ वाजता उघडले जाते व रात्री १० वाजता बंद केले जाते.गुरुवारी सकाळी फिर्यादी महिला आपले जगदंबा किराणा स्टोअर्स हे दुकान उघडण्यास आली असता तिने दुकान उघडले होते.
दरम्यान दुपारी तीनच्या सुमारास अज्ञात दोन अज्ञात इसम त्यांच्या दुकानावर आपल्याच विना क्रमांकाच्या पल्सर या दुचाकी वरून आले होते.त्यातील एक इसमाने (वय-२५) आपल्या तोंडास काळा रुमाल आपल्या अंगात पांढऱ्या रंगाचा रेषांचा शर्ट घालुन आपल्या दुचाकी जवळ थांबला होता.तर दुसऱ्याने (वय-३०) अंगात राखाडी रंगाचा टी शर्ट घातला होता.व पायात पांढऱ्या रंगाची जीन्स घातली होती.त्यांनी सदर महिलेकडे पन्नास रुपये देऊन थंड पेय मागितले होते.आजूबाजूस कोणी नाही याची संधी साधून एकाने आपला गळा पकडून आपल्या गळ्यातील दिड तोळा वजनाची पोत व मनीनमंगळ सूत्र असा सुमारे एक लाखांचा ऐवज (पोलिसांनी ही चोरी ५० हजारांची नोंदवली आहे) हिसकावून पोबारा केला आहे.या प्रकरणी फिर्यादी मा हिलेने कोपरगाव तालुका पोलीस ठाण्यात धाव घेऊन अज्ञात चोरट्याविरुद्ध गुन्हा दाखल केला आहे.
दरम्यान या प्रकरणी कोपरगाव तालुका पोलिसांनी आपल्या दप्तरी अज्ञात दोन चोरट्याविरुद्ध भा.द.वि.कलम ३७९ प्रमाणे गुन्हा दाखल केला आहे.दरम्यान घटनास्थळी पोलीस निरीक्षक संदीप कोळी यांनी भेट दिली आहे.पुढील तपास पोलीस पोलीस निरीक्षक कोळी यांचे मार्गदर्शनाखाली पोलीस उपनिरीक्षक हे करीत आहे.
