जाहिरात-9423439946
कोपरगाव तालुका

कोपरगावात..या कोरोना योद्धयांचा  सन्मान

जाहिरात-9423439946

जनशक्ती न्यूजसेवा

कोपरगाव-प्रतिनिधी)

कोपरगावात भारताचा ७३ वा स्वातंत्र्य दिन आज सकाळी उत्साहात संपन्न झाला आहे.या वेळी प्रमुख आकर्षण असलेल्या कोपरगाव तहसील कार्यालयात तहसीलदार योगेश चंद्रे यांच्या हस्ते राष्ट्रध्वज फडकावला तर कोपरगाव नगरपरिषदेत मुख्याधिकारी प्रशांत सरोदे यांनी राष्ट्रध्वज फडकावल्या नंतर कोरोना साथीत तालुक्यातील नागरिकांचे प्राण वाचविण्यात अहंम भूमिका निभावणाऱ्या डॉक्टर,परिचारिका,आशा सेविका,स्वच्छता कर्मचारी यांचा आ.आशुतोष काळे यांच्या हस्ते व नगराध्यक्ष विजय वहाडणे यांच्या प्रमुख उपस्थितीत प्रमाणपत्र देऊन गौरविण्यात आले आहे.

देशभरात स्वातंत्र्य दिन उत्साहात साजरा करण्यात आला आहे.मात्र या वेळी या उत्सवावर कोरोना साथीचे सावट असल्याने मर्यादित नागरिकांत हा उत्सव साजरा करण्यात आला आहे.कोरोना साथीत तालुका व शहरातील नागरिकांना या साथीपासून वाचविण्यात शहर व तालुका आरोग्य विभागासह पोलीस,महसूल ग्रामपंचायत अधिकारी,कर्मचारी आदींनी मोठी भूमिका निभावली आहे.त्यांची दखल तालुका प्रशासने घेतली असून त्यांचा गौरव केला आहे.

सध्या कोपरगाव तालुक्यात एकूण बाधित रुग्णांची संख्या ४०३ झाली आहे.त्यात ७८ रुग्ण सक्रिय आहेत,तर आतापर्यंत ५ जणांचे कोरोना साथीने निधन झाले आहे.आजपर्यंत कोपरगाव तालुक्याचा मृत्युदर १.२४ टक्के आहे.आतापर्यंत २ हजार २५६ जणांचे श्राव तपासले आहेत यातून बाधित रुग्णांचा दहा लाखाला ९ हजार ०२४ इतका आढळला आहे.तर बाधित रुग्ण दर १७.८६ असा आढळला आहे तर आतापर्यंत कोरोनातून उपचारानंतर बरे झालेल्या रुग्णाची संख्या ३२० इतकी झाली आहे.टक्केवारीत हा दर ७९.४० आढळले आहे.तालुक्यात आतापर्यंत पाच जणांना मृत्यूने गाठले आहे.तरी आरोग्य व स्वच्छता विभागाने यात निर्णायक भूमिका घेतली यात प्रत्ययवाद नाही.
सदर प्रसंगी मुख्याधिकारी प्रशांत सरोदे,कोपरगाव पंचायत समितीच्या सभापती पौर्णिमा जगधने,गटविकास अधिकारी दिलीप सोनकुसळे,काळे सहकारी कारखान्याचे उपाध्यक्ष सुधाकर रोहोम,माजी उपाध्यक्ष पद्मकांत कुदळे,राष्ट्रवादीचे जिल्हा कार्याध्यक्ष संदीप वर्पे,उपसभापती अर्जुन काळे,प्रशांत वाबळे आदी प्रमुख मान्यवरांसह नगरपरिषद व पंचायत समिती,तहसील,तालुक्यातील प्रमुख आस्थापने आदींचे अधिकारी व कर्मचारी नागरिक बहुसंख्येने उपस्थित होते.

या वेळी कोरोना साथीच्या प्रतिकूल कालखंडात आपली वैद्यकीय सेवा नागरिकांना देऊन त्यांच्या जीविताचे संरक्षण करणाऱ्या अधिकारी,कर्मचाऱ्यांचा “कोरोना योद्धा” म्हणून सन्मानपत्र देऊन गौरव करण्यात आला.त्यात ग्रामीण रुग्णालयाचे वैद्यकीय अधिकारी डॉ.कृष्णा फुलसुंदर,तालुका वैद्यकीय अधिकारी डॉ.संतोष विधाते,वैद्यकीय अधिकारी डॉ. संदीप वैरागर,डॉ.विजय गणबोटे,डॉ,अनिरुद्ध तोडकर,डॉ.अजिंक्य आढाव,डॉ.विकास घोलप,डॉ.पूजा बोर्डे,डॉ.अक्षय गायकवाड,डॉ.सुवर्णा काळे,आरोग्य सहाय्यक सचिन जोशी,आनंद पाटील,घनश्याम शिंदे,डॉ.जितेंद्र रणदिवे,नगरपरिषद सुनील अरणे,आरोग्य निरीक्षक आरोग्यसेवक सुभाष महाजन,शहरी आरोग्य केंद्राच्या वैद्यकीय अधिकारी डॉ.गायत्री आहेर,वैद्यकीय अधिकारी डॉ.सचिन उंडे,आरोग्य सेविका रोहिणी नाईक,आशा सेविका सुवर्णा शिर्के,अरविंद चव्हाण,श्रीमती वैशाली लोखंडे,ज्युलिया आवारे,वाहन चालक नितीन शिंगाडे,भगवान बैरागी,आशा सेविका सुनीता गिरमे,सुरेखा जाधव,सफाई कर्मचारी आनंद वाल्हेकर,कवलजीत लोट,राजेंद्र तुजारे,केवल हाडा,शंकर पगारे,राजेंद्र लोंढे,कोविड वर यशस्वी मात केलेले रुग्ण डॉ.मंजुषा गायकवाड,अण्णासाहेब भिकाजी आदींचा सन्मान पत्र देऊन आ.आशुतोष काळे यांनी गौरव केला आहे.

यावेळी कार्यक्रमाचे प्रास्तविक तहसीलदार योगेश चंद्रे यांनी केले तर उपस्थितांना मार्गदर्शन आ.आशुतोष काळे,नगराध्यक्ष विजय वहाडणे यांनी केले आहे.तर कोविड-१९ या साथीचा आपण कसा सामना केला याचा अनुभव डॉ.मंजुषा गायकवाड यांनी विशद केला आहे.उपस्थितांचे आभार स्वच्छता दूत सुशांत घोडके यांनी मानले आहे.

Related Articles

Leave a Reply

Your email address will not be published. Required fields are marked *

Close