कोपरगाव तालुका
..त्या आरोपींना १४ दिवसांची न्यायालयीन कोठडी
संपादक-नानासाहेब जवरे
कोपरगाव-(प्रतिनिधी)
कोपरगाव तालुक्यातील मंजूर वडाचीवाडी येथे रहिवाशी असलेली विवाहित महिला जयश्री गोरक्षनाथ गावंड (वय-२९ ) हि त्यांच्याच विहिरीत मृत अवस्थेत आढळल्या नंतर कोपरगाव तालुका पोलीस ठाण्यात आरोपी नवरा गोरक्षनाथ बाळासाहेब गावंड,सासरा बाळासाहेब कारभारी गावंड,सासू लहानबाई बाळासाहेब गावंड या तिघा विरोधात आत्मत्येस प्रवृत्त केल्या प्रकरणी कोपरगाव तालुका पोलीसांनी त्यांना अटक करून गुन्हा दाखल केला होता.त्यांना न्यायालयाने आधी चार दिवसाची पोलीस कोठडी सुनावली होती तिची मुदत काल संपल्याने या तिघा आरोपींना काल दुसऱ्यांदा कोपरगाव न्यायालयासमोर हजर केले असता त्यांना प्रथम वर्ग न्यायदंडाधिकाऱ्यानी १४ दिवसांची न्यायालयीन कोठडी सुनावली असल्याची माहिती पोलीस निरीक्षक अनिल कटके यांनी दिली आहे.
कोपरगाव तालुका पोलीस ठाण्यात आरोपी नवरा गोरक्षनाथ बाळासाहेब गावंड,सासरा बाळासाहेब कारभारी गावंड,सासू लहानबाई बाळासाहेब गावंड या तिघा विरोधात आत्मत्येस प्रवृत्त केल्या प्रकरणी कोपरगाव तालुका पोलीसांनी त्यांना अटक करून गुन्हा दाखल केला होता.त्यांना न्यायालयाने आधी चार दिवसाची पोलीस कोठडी सुनावली होती तिची मुदत काल संपल्याने या तिघा आरोपींना काल दुसऱ्यांदा कोपरगाव न्यायालयासमोर हजर केले असता त्यांना प्रथम वर्ग न्यायदंडाधिकाऱ्यानी १४ दिवसांची न्यायालयीन कोठडी सुनावली आहे.
सदरचे सविस्तर वृत्त असे की,मयत महिला जयश्री विलास शिंदे यांचा विवाह साधारण बारा वर्षांपूर्वी मंजूर वडाचीवाडी या ठिकाणी असलेला आरोपी व मयत महिलेचा नवरा गोरक्षनाथ बाळासाहेब गावंड या तरुणाबरोबर थाटामाटात लावून दिला होता.सुरुवातीचे नव्या नवलाईचे नऊ दिवस गेल्या नंतर त्यांना एक मुलगा व एक मुलगी असे दोन अपत्य झाले होते.दरम्यान काही दिवसांपूर्वी नवरा,सासू,सासरे यांनी किरकोळ कारणावरून मयत महिलेला मारहाण करण्यास सुरुवात केली होती.त्यानंतर एकदा गंभीर स्वरूपाची मारहाण झाल्यावर मयत महिलेच्या वडिलांनी कोपरगाव तालुका पोलीस ठाण्यात अदखल प्राप्त गुन्हा दाखल केला होता.मात्र त्यांना एकत्र बोलावून अधिकाऱ्यानी लेखी समज देऊन पुन्हा समजोता घडवून आणला होता.जानेवारी महिन्यांत नांदण्यासाठी सासरी पाठवले होते.मात्र चार दिवसांपूर्वी दुपारी दोनच्या सुमारास मयत महिलेच्या बहिणीला आरोपीनी दूरध्वनी करून याबाबत घटनेची माहिती दिली होती.त्या नंतर माहेरच्या नातेवाईकांनी घटनास्थळी धाव घेऊन त्याची खबर कोपरगाव तालुका पोलीस ठाण्यास दिली.पोलीस निरीक्षक अनिल कटके यांनी घटनास्थळी धाव घेतली होती. नवरा,सासरा व सासू आदी तिघांविरुद्ध मृत महिलेचे वडील विलास शिंदे यांनी गुन्हा दाखल केला होता.घटनास्थळी शिर्डीचे उपविभागीय पोलीस अधीकारी सोमनाथ वाकचौरे यांचेसह तालुका पोलीस ठाण्याचे पोलीस निरीक्षक अनिल कटके यांनी भेट दिली होती.व मयत महिलेवर शवविच्छेदना नंतर मंजूर येथे शोकाकुल वातावरणात अंत्यसंस्कार करण्यात आले होते.अद्याप मयत महिलेचा शव विच्छेदन अहवाल अप्राप्त आहे.
