जाहिरात-9423439946
जाहिरात-9423439946
जाहिरात-9423439946
कोपरगाव तालुका

..या ग्रामस्थांनी दारूबंदी साठी उचलले पाऊल

जाहिरात-9423439946

संपादक-नानासाहेब जवरे

कान्हेगाव-(प्रतिनिधी)

देशात व महाराष्ट्रात कोरोनाव्हायरसच्या प्रादुर्भावामुळे प्रशासन व पोलीस यंत्रणा कायदा व सुव्यवस्था अबाधित ठेवण्यासाठी व्यस्त असतांना त्याचाच फायदा उठवत अवैद्य दारू विक्री करणारे खुलेआम हातभट्टीची दारू व देशी दारू विक्री करून अधिक पैसे कमावत असल्याची धक्कादायक माहिती समोर आल्याने सोनेवाडी ग्रामस्थांनी हि उसाच्या शेतात लपवून ठेवलेली दारू शोधून तिचा सफाया केला आहे.

” सोनेवाडी परिसरात काही अवैध व्यावसायिकांना वारंवार सांगूनही त्यांनी ऐकले नाही.कोरोणा विषाणूच्या गंभीर संकटातही त्यांनी दारू विक्री चालू ठेवली तर स्थानिक ग्रामस्थांच्या मदतीने या पुढे सोनेवाडी परिसरात कुठल्याही अवैध व्यवसायांना थारा दिला जाणार नाही”-सरपंच गंगाराम खोमणे

सदरचे सविस्तर वृत्त असे की,रविवारी सकाळी दहा वाजता श्रावण भाऊराव भोजने यांच्या उसाच्या शेतात जपून ठेवलेले दोन-बँरल चारशे लिटर रसायन सोनेवाडी ग्रामस्थांनी पोलीस हवालदार अर्जुन बाबर यांच्या समवेत ओतून देत कारवाई केली. येथून पुढे सोनेवाडीत दारूबंदी होणार असा पवित्राच ग्रामस्थांनी घेतला आहे.सोनेवाडीत कोरोना विषाणूच्या पार्श्वभूमीवर ग्रामपंचायत,पोलीस पाटील व ग्रामस्थांनी संपूर्ण परिसर टाळेबंद केला मात्र स्थानिक प्रशासनाच्या सुचनेला न जुमानता सोनेवाडीतील अवैध दारू विक्री करणाऱ्यांनी आपला प्रताप बंद केला नाही.सरपंच गंगाराम खोमणे, उपसरपंच किशोर जावळे,पोलीस पाटील दगू गुडघे,बबलू जावळे,ग्रामपंचायत सदस्य चिलिया जावळे,भास्कर जावळे,बाळासाहेब जावळे,आण्णा गाढे,कर्णा जावळे, गोरक्षनाथ पोतकुले हे सदर अवैध दारूविक्रीच्या ठिकाणी गेले असता अवैध दारू विक्रेत्याने अरेरावीची भाषा करत लाकडी दांडा हातात घेत दादागिरी केली. सदरची माहिती कोपरगाव ग्रामीण पोलीस स्टेशनचे पोलीस निरीक्षक अनिल कटके,उप पोलीस निरीक्षक श्री इंगळे यांना कळल्यानंतर त्यांनी कोरोना विषाणूंचा प्रादुर्भाव होण्याची शक्यता असतानाही अतिरिक्त फौजफाटा देत सदर दारू विक्रेत्यांवर कारवाई करण्यासाठी पाठवले.

दरम्यान शनिवारी कमलाबाई ताराचंद वायकर व भागुबाई किशोर गांगुर्डे यांच्यावर अवैध दारू विक्री करण्याबाबत गुन्हे दाखल करण्यात आले होते तर काल उसाच्या शेतामध्ये २ टिपाड रसायन लपवून ठेवत असल्याची बातमी ग्रामस्थांना समजली. मग सरपंच गंगाराम खोमणे ,उपसरपंच किशोर जावळे पोलीस पाटील दगू गुडघे यांनी हवालदार अर्जुन बाबर यांना फोन करून बोलावून घेतले. काही ग्रामस्थांच्या मदतीने सरळ भोजने यांच्या शेतात धाड मारली असता दोन दारूच्या रसायनाने भरलेले बँरल जप्त करत ते रसायन ओतून दिले.नवनाथ भोजने याच्या वर कारवाई करण्यात आली. संपूर्ण गावातील अवैध दारू विक्री बंद झाली पाहिजे असा पवित्रा ग्रामस्थांनी घेतला.

जाहिरात-9423439946

Related Articles

Leave a Reply

Your email address will not be published.

Close
Close