तरुणीचा मृतदेह,कोपरगावात उलटसुलट चर्चेला उधाण !

न्यूजसेवा

कोपरगाव-(प्रतिनिधी)

अ.नगर जिल्ह्यातील कोपरगाव तालुक्यातील चांदेकसारे शिवारात समृध्दी महामार्गाच्या पुलाखाली मध्यरात्रीच्या सुमारास एका अज्ञात वाहनाच्या धडकेत २५ ते ३० वर्षीय तरुणी अज्ञात वाहनाच्या धडकेत मयत झालीअसल्याचे प्राथमीक वृत्त आहे.सदर तरुणीची अद्याप ओळख पटलेले नसून तिच्या डोक्यास गंभीर इजा झाल्याने ती मयत झाली असून सदर अपघात झाल्यानंतर वाहन चालक वाहन घेऊन फरार झाला आहे.दरम्यान याबाबत कोपरगाव शहर पोलीस ठाण्यात तक्रार दाखल करण्यात आली आहे.

दरम्यान या तरुणीचा घातपात झाला की अपघात याबाबत संशय व्यक्त केला जात या बाबत कोपरगाव शहरात उलटउलट चर्चेला उधाण आले आहे.

सदर प्रकरणी हा अपघात झाला की खून या बाबत कोणीही निश्चित सांगू शकत नाही त्यामुळे सदर तरुणी कुठली,तिचे नाव,गाव,आदी माहिती चौकशीत समोर येण्याची शक्यता आहे.

या प्रकरणी कोपरगाव तालुका पोलिसांनी फरार अज्ञात वाहन चालका विरोधात गुन्हा दाखल केला असून सदर घटनेचा पुढील तपास कोपरगाव शहर पोलीस ठाण्याचे पोलीस निरीक्षक वासुदेव देसले यांच्या मार्गदर्शनाखाली पोलीस उपनिरीक्षक महेश कुसारे हे करीत आहे.