सर्वाधिक सुरक्षितता प्रदान करणारी संस्था-…यांची माहिती

जाहिरात-9423439946

न्यूजसेवा

कोपरगाव-(प्रतिनिधी)

कोपरगावसह राज्यात सहकारात अग्रणी समजल्या जाणाऱ्या समता नागरी सहकारी पतसंस्थेची आर्थिक स्थितीचा अहवाल ३१ मार्चला जाहीर करण्याची परंपरा या वर्षी देखील कायम ठेवली असून या आर्थिक वर्षात ३१  मार्चला रविवारची सुट्टी आल्याने ३० मार्चलाच आर्थिक पत्रके जाहीर केली असून समताच्या ठेवी ३१ मार्च २०२३ रोजी ७९१ कोटी इतक्या असल्याची माहिती हाती आली आहे.त्यात १७ % इतकी वाढ होऊन ३१ मार्च २०२४ अखेर ९२४ कोटी रुपयांच्या ठेवी झाल्या असल्याची मा हिती संस्थेच्या प्रसिद्धी पत्रकात देण्यात आली आहे.

दरम्यान या प्रसिद्धी पत्रकात पुढे म्हटले आहे की,”३१ मार्च २०२३ रोजी कर्ज वाटप ५५६ कोटी रुपये होते.३१ मार्च २०२४ रोजी कर्ज वाटप ६७० कोटी रुपये इतके असून त्यात २० % इतकी वाढ झाली आहे.याचे श्रेय त्यांनी संस्थेचे सभासद आणि अत्याधुनिक तंत्रज्ञानाचा वापर करणाऱ्या अधिकारी कर्मचाऱ्यांच्या कार्यक्षमतेला दिले आहे.

      समता नागरी सहकारी पतसंस्थेची सन २०२३ – २०२४ च्या आर्थिक स्थितीचा अहवाल संस्थेचे अध्यक्ष ओमप्रकाश कोयटे यांच्या अध्यक्षतेखाली जाहीर करण्यात आला त्या वेळी ते बोलत होते.

   सदर प्रसंगी समता पतसंस्थेचे उपाध्यक्ष श्वेता अजमेरे,संचालक गुलाबचंद अग्रवाल,जितूभाई शहा,अरविंद पटेल, चांगदेव शिरोडे,रामचंद्र बागरेचा,गुलशन होडे,कांतीलाल जोशी,कचरू मोकळ,निरव रावलिया आदींसह मुख्य कार्यालयातील अधिकारी,कर्मचारी उपस्थित होते.

   त्यावेळी पुढे बोलताना ते पुढे म्हणाले की,”समता पतसंस्थेची सभासद संख्या ३१ मार्च २०२४ पर्यंत तब्बल ८७,५१९ इतकी झाली आहे.समता पतसंस्थेचे आणखी एक वैशिष्ट्य म्हणजे हे सर्व व्यवहार केवळ १३ शाखांच्या माध्यमातून झालेले आहे.प्रति शाखा ठेवींचा विचार केल्यास प्रति शाखा सरासरी १२२ कोटी रुपये पर्यंत ठेवींचा आकडा जात आहे.हा महाराष्ट्रातील सहकारी पतसंस्था चळवळीतील विक्रम आहे.तसेच समता पतसंस्थेने ३१ मार्च २०२४ रोजी १५९४ कोटी रुपयांचा संमिश्र व्यवसाय पूर्ण केला असून सहकार खात्याच्या निकषानुसार वैधानिक तरलतेची गुंतवणूक ही एकूण ठेवीशी २५ % इतकी असावी लागते.म्हणजेच २३१ कोटी गुंतवणूक आवश्यक असताना संस्थेने २७० कोटी इतकी सुरक्षित गुंतवणूक केली आहे.
    संस्थेच्या कामकाजात अत्याधुनिक तंत्रज्ञान आणल्यामुळे कमीत कमी कर्मचाऱ्यांमध्ये जास्तीत जास्त काम करण्याचा उच्चांक देखील समता ने केलेला आहे.३१ मार्च २०२३ रोजी ७९१ कोटी रुपये एवढ्या ठेवी होत्या.दि.३१ मार्च २०२४ रोजी ९२४ कोटी रुपयांच्या ठेवी झाल्या आहेत.म्हणजेच संमिश्र व्यवसायात २० टक्के वाढ होऊन ५ टक्के कर्मचारी कमी करण्यात यश मिळविले आहे या ठेव वाढीत कर्मचारी संख्या कमी होऊन २४४ झाली आहे. म्हणजे या ठेवीत १७ टक्के वाढ होऊन कर्मचाऱ्यांमध्ये ५ टक्के घट झाली आहे.प्रति कर्मचारी उत्पादक क्षमता ६ कोटी ५३ लाख इतकी आहे. म्हणजे गेल्या वर्षीच्या तुलनेत कर्मचारी उत्पादकता तब्बल २४ टक्क्यांनी वाढलेली असल्याचे सांगितले.
    समताने ठेव,कर्ज व गुंतवणूक यामध्ये विविध विक्रम प्रस्थापित केले आहे.कर्ज वितरण करताना समता पतसंस्था महाराष्ट्र राज्य सहकारी पतसंस्था फेडरेशनने विकसित केलेली सिबिल सारखी क्रास प्रणालीचा वापर केल्याशिवाय कर्ज पुरवठा करत नाही.विशेषतः बँकिंग क्षेत्रातील कर्ज वाटपापैकी अत्यंत सुरक्षित समजले जाणारे सोनेतारण कर्ज हे जगात सर्वात सुरक्षित समजले जाणारे कर्ज आहे.समताचे सोनेतारण कर्ज ३१ मार्च २०२३ अखेर २३८ कोटी रुपये इतके होते, त्यात तब्बल ११४ कोटी रुपयांची वाढ होऊन ते आता ३५२ कोटी रुपयांपर्यंत पोहोचले आहे.सोने तारण कर्जाचे प्रमाण एकूण कर्जाच्या प्रमाणात ५३ % इतके आहे.संस्थेची सुरक्षित गुंतवणूक आणि सोनेतारणासारखे अति सुरक्षित कर्ज याचे एकूण ठेवींशी प्रमाण ६८ % इतके आहे.सोने तारण कर्जामध्ये अद्ययावत तंत्रज्ञानाचा अवलंब करून ०% रिस्क सोनेतारण कर्जात आणण्यात यश मिळविले आहे.
   
   समताने अत्याधुनिक तंत्रज्ञान प्रणालीमध्ये देखील केवळ समता पतसंस्थामध्ये नव्हे,तर बँकिंग क्षेत्रामध्ये क्रांती केलेली आहे.मोबाईल बँकिंग,ऑनलाइन बँकिंग,त्याचबरोबर व्हाऊचरलेस बँकिंग प्रणाली पतसंस्था चळवळीमध्ये सर्व प्रथम आणून पेपरलेस बँकिंग प्रणाली प्रत्यक्षात आणली आहे.समताने पतसंस्था चळवळ देखील बँकांपेक्षा कमी नाही हे दाखवुन दिल्याचे संचालक संदीप कोयटे यांनी शेवटी सांगितले आहे.