…या सहकारी बँकेचे उपाध्यक्ष जाहीर !

न्यूजसेवा

कोपरगाव-(प्रतिनिधी)

   सहकार क्षेत्रातील अग्रणी असणाऱ्या गौतम सहकारी बँकेच्या उपाध्यक्षपदी विजय यादवराव रक्ताटे यांची निवड करण्यात आली आहे.विद्यमान उपाध्यक्ष सुनिल डोंगरे यांनी आपल्या पदाचा राजीनामा दिल्यामुळे रिक्त झालेल्या जागेवर विजय यादवराव रक्ताटे यांची निवड करण्यात आली आहे.त्यांचे सर्वत्र अभिनंदन होत आहे.

  गौतम सहकारी बँकेचे उपाध्यक्ष सुनिल डोंगरे यांनी आपला राजीनामा दिला होता.त्यामुळे ते पद रिक्त झाले होते.त्यापदाची सहकार विभागाने निवडणूक जाहीर केली होती.त्यासाठी अध्यासी अधिकारी तथा सहाय्यक निबंध सहकारी संस्था एस.पी.रुद्राक्ष कोपरगाव यांच्या उपस्थितीत गौतम सहकारी बँकेच्या रिक्त झालेल्या उपाध्यक्ष पदासाठी निवडणूक मोठ्या उत्साहात पार पडली आहे.यावेळी उपाध्यक्ष पदासाठी विजय यादवराव रक्ताटे यांच्या नावाची सूचना संचालक बाबुराव थोरात यांनी मांडली होती.सदर सूचनेस मावळते उपाध्यक्ष सुनिल डोंगरे यांनी अनुमोदन दिले होते.त्यावेळी निवडणूक अधिकारी एस.पी.रुद्राक्ष तथा सहाय्यक निबंधक सहकारी संस्था कोपरगाव यांनी उपाध्यक्षपदी विजय यादवराव रक्ताटे यांची बिनविरोध निवड झाली असल्याचे जाहीर केले.

  यावेळी बँकेचे अध्यक्ष संजय आगवण,व्यवस्थापन मंडळाचे अध्यक्ष श्रीकांत तिरसे संचालक राजेंद्र ढोमसे,बापूराव जावळे,कमलाकर चांदगुडे,बापूसाहेब वक्ते,तुकाराम हूळेकर, उत्तम भालेराव,सिंधुबाई रोहोम,रुपाली संवत्सरकर,लेखा परीक्षक दत्तात्रय खेमनर,अॅड.मासूम सय्यद,अॅड.शिरिषकुमार लोहकणे,रामराव माळी,शरद होन तसेच मुख्य कार्यकारी अधिकारी प्रवीण पावडे,प्रशासकीय अधिकारी बापूसाहेब घेमूड,वरिष्ठ अधिकारी नानासाहेब बनसोडे आदी मान्यवर उपस्थित होते.

  गौतम सहकारी बँकेच्या उपाध्यक्षपदी विजय रक्ताटे यांची निवड झाल्याबद्दल त्यांचे बँकेचे मार्गदर्शक माजी आ.अशोक काळे व कर्मवीर शंकरराव काळे कारखान्याचे अध्यक्ष आ.आशुतोष काळे आदींनी अभिनंदन केले आहे.सदर प्रसंगी बँकेचे अध्यक्ष संजय आगवण,मावळते उपाध्यक्ष सुनिल डोंगरे व सर्व संचालक मंडळाने अभिनंदन करून शुभेच्छा दिल्या आहे.

  याप्रसंगी उपाध्यक्षपदी निवड झाल्याबद्दल विजय रक्ताटे म्हणाले की,”आपण शेतकरी कुटुंबातून आलो असल्याने ग्रामीण भागातील शेतकऱ्यांच्या आर्थिक गरजा,शेतकऱ्यांचे प्रश्न यांची जाणीव आहे.बँकेच्या माध्यमातून शेतकरी,व्यापारी,युवक व सर्वसामान्य सभासदांच्या आर्थिक उन्नतीसाठी वर्तमान आ.आशुतोष काळे यांचे मार्गदर्शनाखाली काम करणार आहे.