गुन्हे विषयक
साई संस्थान कर्मचाऱ्याची आत्महत्या,चिठ्ठीत अनेकांच्या नावाचा उल्लेख,चौकशीची मागणी
न्यूजसेवा
कोपरगाव-(प्रतिनिधी)
शिर्डी शहरातील श्री साईबाबा संस्थान कायम कर्मचारी असलेले विकास रामदास दिवटे (वय-३७) रा.संस्थान हाऊसिंग सोसायटी निमगाव यांने राहत्या घरी गळफास घेऊन आत्महत्या केल्याने शिर्डी सह परिसरात मोठी खळबळ उडाली आहे.याबाबत त्याने मृत्यू पूर्वी चिट्ठी लिहुन ठेवल्याचे त्याच्या नातेवाईकांचे म्हणणे असल्याने या घटनेला गंभीर वळण मिळण्याची शक्यता वर्तविण्यात येत आहे.
मयत विकासला आई-वडील नसून विकास दिवटे हा एक लहान भाऊ आहे.त्याने सुद्धा दोषींना कठोर शासन होण्याचे मागणी केली आहे.त्या सोबतच नातेवाईकांनी विकासच्या कौटुंबिक वादातून ‘तो’ व्यक्ती त्याला मारण्याच्या धमक्या देत होता आणि त्याच्या मुळेच त्याने आत्महत्येचे टोकाचे पाऊल उचलल्याचे माहिती माध्यमप्रतिनिधीस दिली आहे.या गंभीर प्रकरणाची दखल घेत शिर्डी पोलिस ठाण्याने सखोल चौकशी करून धमक्या देणारा तो व्यक्ती कोण आहे याची चौकशी करण्याची मागणी केली आहे.
सदरचे सविस्तर वृत्त असे की,”मयत विकास दिवटे हा श्री साईबाबा संस्थानच्या बगीचा विभागात आपल्या वडिलांच्या मृत्यू नंतर अनुकंपा तत्वावर सेवेत रुजू झाला होता.त्याने अनेक वर्ष आपली सेवा केली आहे.मात्र अनेक दिवसापासून तो अत्यवस्थ होता अशी माहिती हाती आली आहे.त्यामागे अर्थातच त्याच्या पत्नीचा आणि त्याचा वाद असला तरी तो इतका टोकाचा नव्हता.तरीही त्याची पत्नी हि माहेरी होती.त्यातून त्याच्या सासुरवाडीकडून त्यास अनेक धमक्या मिळत असल्याची माहिती आहे.तथापि त्यात एक सिन्नर तालुक्यातील एक राजकीय वर्तुळात वावरत असलेल्या इसमाने त्यास अनेक वेळा धमक्या दिल्या असल्याची माहिती हाती आली आहे.त्यातून त्याने हे टोकाचे पाऊल उचलले असल्याचे मानले जात आहे.
चिट्ठी चार पाणी असून त्यातील काही अंश
याखेरीज त्याने आपल्या मित्रांना आणि इतरांना मोठ्या प्रमाणात उसनवारी रकमा दिल्या होत्या.ही रक्कम तब्बल ११ ते १२ लाखांपर्यंत असल्याची माहिती मिळत आहे.मयत विकास दिवटे याने आत्महत्या करण्यापूर्वी आपल्या पत्नीच्या नावे एक चिठ्ठी लिहिली आहे त्यात,” सिन्नर तालुक्यातील एका व्यक्ती आणि सासुरवाडीतील काही लोक माझ्या मृत्यूस कारणीभूत असल्या”चा उल्लेख असून सदर चिठ्ठीत ज्यांच्याकडे पैसे बाकी आहेत त्यांच्याकडे किती बाकी आहे त्याचा सर्व आढावा दिला आहे.प्रत्येकाचे भ्रमणध्वनी क्रमांक,स्वतःच्या मोबाईलचा पासवर्ड अशा अनेक महत्वपूर्ण बाबीचा त्यात उल्लेख आहे हे विशेष ! ही चिठ्ठी त्याने दि.०५ जून रोजी २०२२ रोजी लिहिली असल्याची त्यावर तारीख नमूद आहे.आणि आत्महत्या ही काल ०९ जून रोजी केल्याने चार दिवसांपूर्वीच चिठ्ठी लिहून ठेवल्याचे कळते.मात्र हि आत्महत्या उशिरा का केली असा सवाल निर्माण झाला आहे.
चिट्ठी चार पाणी असून त्यातील काही अंश दर्शवला आहे.
जवळच्या नातेवाईकांच्या म्हणण्यानुसार या चिठ्ठीमध्ये ज्या व्यक्तीचा उल्लेख केलेला आहे त्याने मयत विकास दिवटे यास धमकी दिली असल्याचा उल्लेख आहे तसेच त्याबाबत त्याच्या भ्रमणध्वनीत त्याच्या धमकीचे बोलणे रेकॉर्ड झाल्याचे त्याने म्हटलें असल्याचे त्याच्या नातेवाईकांचे म्हणणे आहे.
सदर चार पानी चिठ्ठी मध्ये आपल्या पत्नीला उद्देशून सांगितले आहे की,”माझ्या जागी संस्थान मध्ये नोकरीला प्रयत्न करण्यास सांगितले असून त्यासाठी अनुकंपा भरती बंद असल्याने तुला मुंबई किंवा औरंगाबाद कोर्टात जावे लागेल असा सल्ला त्याने दिल्याचे कळते.
मयत विकासला आई-वडील नसून एक लहान भाऊ आहे.त्याने सुद्धा दोषींना कठोर शासन होण्याचे मागणी केली आहे.त्या सोबतच नातेवाईकांनी विकासच्या कौटुंबिक वादातून ‘तो’ व्यक्ती त्याला मारण्याच्या धमक्या देत होता आणि त्याच्या मुळेच त्याने आत्महत्येचे टोकाचे पाऊल उचलल्याचे माहिती माध्यमप्रतिनिधीस दिली आहे.या गंभीर प्रकरणाची दखल घेत शिर्डी पोलिस ठाण्याने सखोल चौकशी करून धमक्या देणारा तो व्यक्ती कोण आहे ? त्याचा या प्रकरणाशी काय संबंध आहे ? विकास कडील पैसा त्याच्या आत्महत्येस कारणीभूत ठरला का ? ज्यांच्याकडे पैसे बाकी आहेत त्यांच्या कडून आता त्याच्या बायको आणि मुलाला मिळतील का ? असे एक ना अनेक प्रश्न अजुन अनुत्तरित असून शिर्डी पोलिस पुढील काय तपास करतात यावर बरेच काही अवलंबून आहे.
दरम्यान या प्रकरणी शिर्डी पोलीस ठाण्यात या प्रकरणी केवळ अकस्मात मृत्यू नोंद क्रं.५०/२०२२ सी.आर.पी.सी.१७४ प्रमाणे नोंद केली असल्याची माहिती पोलीस सूत्रांनी दिली आहे.
दरम्यान संतापलेल्या नातेवाईकांनी आपण सदरचा अंत्यविधी हा या प्रकरणातील संशयित आरोपींवर गुन्हा दखल होत नाही तो पर्यंत करणार नाही असा इशारा आमच्या प्रतिनिधींशी बोलताना दिला आहे.
