गुन्हे विषयक
कोपरगावातील ‘तो’मृत्यू अकस्मात नव्हे !
न्यूजसेवा
कोपरगाव-(प्रतिनिधी)
कोपरगाव शहरातील उपनगर असलेल्या सुभाषनगर येथील नुकतेच निधन झालेले इसम समाधान अशोक जाधव (वय-६५) यांचे निधन हे अकस्मात नसून तो मारहाणीमुळे झाला असल्याची चर्चा या उपनगरात सुरु आहे.त्यामुळे या निधन वार्तेबाबत उलट-सुलट चर्चेला उधाण आले आहे.
दरम्यान या रुग्णाचे व नजीकच्या एका नागरिकाचे काही अज्ञात कारणावरून भांडण झाल्याची वदंता असून त्याने मयताच्या पोटात मारहाण केल्याने त्याचा मृत्यू झाल्याचे नागरिकांचे म्हणणे आहे.मात्र याबाबत पोलिसात मात्र मयताच्या नातेवाईकांनी कोणताच गुन्हा दाखल केला नाही.त्यामुळे या घटनेबाबत उलटसुलट चर्चेला उधाण आले आहे.
कोपरगाव शहरातील सुभाषनगर हे उपनगर असून ते कोपरगाव शहर पोलीस ठाण्याच्या हाकेच्या अंतरावर आहे.या ठिकाणी नुकताच तेथील इसम समाधान अशोक जाधव (वय-३१) यांनी दि.०७ मे रोजी कोपरगाव पोलीस ठाण्यात आपले वडील अशोक सुखदेव जाधव यांच्या अकस्मात मृत्यूची नोंद (२२-२०२१ ) केली आहे.त्यात त्यांनी दिलेल्या खबरीत आपले वडील अशोक सुखदेव जाधव यांचे पोटात दुखू लागल्याने त्यांना दि.०७ मे रोजी दुपारी १.३० वाजेच्या सुमारास कोपरगाव ग्रामीण रुग्णालयात दाखल केले होते.त्यांची डॉ.वैरागळ यांनी तपासणी केली व त्यांना लोणी ता,राहाता येथे सोनोग्राफी करण्यासाठी जाण्याचा सल्ला दिला होता.मात्र खबर देणाऱ्या मुलाने त्यांना तिकडे न नेता कोपरगावातील एका खाजगी रुग्णालयात नेले मात्र तेथील वैद्यकीय अधिकाऱ्यानी त्यांना दुपारी चार वाजता घेऊन येण्यास संगीतले होते.त्यांच्या मुलाने त्यांना घरी नेऊन झोपवले तदनंतर दुपारी १.३० वाजेच्या सुमारास आजारी पित्याची कोणतीच हालचाल होत नसल्याने त्यांच्या मुलाने त्यांना उठविण्याचा प्रयत्न केला असता ते झोपेतच मयत झाल्याचे मुलाचे लक्षात आले.त्यांनी याबाबत कोपरगाव शहर पोलीस ठाण्यात अकस्मात मृत्यूची नोंद केली आहे.
तथापि या रुग्णाचे व नजीकच्या एका नागरिकाचे काही अज्ञात कारणावरून भांडण झाल्याची वदंता असून त्याने मयताच्या पोटात मारहाण केल्याने त्याचा मृत्यू झाल्याचे नागरिकांचे म्हणणे आहे.मात्र याबाबत पोलिसात मात्र मयताच्या नातेवाईकांनी कोणताच गुन्हा दाखल केला नाही.त्यामुळे या घटनेबाबत उलटसुलट चर्चेला उधाण आले आहे.
