कोपरगावात कोरोना साथीने चौघांचा मृत्यू,तर बाधित रुग्ण संख्या मोठी

राज्यात कोरोनाचा कहर दिवसेंदिवस वाढताना दिसत आहे.त्यात रोज हजारो कोरोनाच्या रुग्णांची भर पडत आहे.त्याला कोपरगाव शहर व तालुकाही अपवाद नाही.कोपरगावातून आज आलेल्या अहवालात नगर येथे १५० श्राव तपासणीसाठी पाठवले असून आर.टी.पी.सी.आर.तपासणीत ४६ अँटीजन तपासणीत ८२,खाजगी प्रयोग शाळा तपासणीत ५९ असे एकूण अहवालात एकूण १८७ रुग्ण बाधित आढळले आहे.तर १५३ जणांना उपचारानंतर सोडून देण्यात आले आहे तर आज कोपरगाव शहरात दोन मृत्यू झाले असून त्यात येवला रोड येथील एक ५३ वर्षीय महिला तर दत्तनगर येथील २० वर्षीय तरुणाचा समावेश आहे तर तालुक्यातील ओगदी येथील एक पुरुष वय-३८ वर्षीय पुरुष व सुरेगाव येथील ४७ वर्षीय इसम आदींचा समावेश आहे.

दरम्यान कोपरगाव शहर व तालुक्यात मोठ्या प्रमाणात मृत्युदर वाढला असून त्यात तरुणांचा भरणा मोठा असल्याने उद्या वय वर्ष १८ ते ४५ साठी शासनाने आपली भूमिका बदलली असून उद्या दि.६ मे पासून त्यांच्यासाठी लस देण्यास प्रारंभ केला आहे.त्यासाठी शहरातील नागरिकांसाठी हि सुविधा उपलब्ध केली आहे.त्यामुळे या नागरिकांनीच लस घेण्यासाठी कोपरगाव ग्रामीण रुग्णालयात सकाळी ०९ ते दुपारी ०४ वाजे पर्यंत यावे दुसरी लस घेणाऱ्यांनी येऊ नये असे आवाहन ग्रामीण रुग्णालयाचे वैद्यकीय अधिकारी डॉ.कृष्णा फौलसुंदर यांनी केले आहे.