कोपरगावात आज कोरोनाचे सहा बळी,तपासणी संचाची कमतरता

राज्यात कोरोनाचा कहर दिवसेंदिवस वाढताना दिसत आहे.त्यात रोज हजारो कोरोनाच्या रुग्णांची भर पडत आहे.त्याला कोपरगाव शहर व तालुकाही अपवाद नाही.कोपरगावातून आज आलेल्या अहवालात नगर येथे २३८ श्राव तपासणीसाठी पाठवले असून आर.टी.पी.सी.आर.तपासणीत १०७ अँटीजन तपासणीत १४,खाजगी प्रयोग शाळा तपासणीत ७५ असे एकूण अहवालात एकूण १९६ रुग्ण बाधित आढळले आहे.तर १५६ जणांना उपचारानंतर सोडून देण्यात आले आहे तर आज कोपरगाव तालुक्यातील सहा नागरिकांचे बळी गेले असून त्यात कोपरगाव येथील दोन पुरुष वय-७५,४६,स्वामी समर्थ नगर महिला वय-६४,तर संवत्सर येथील ७५ वर्षीय पुरुष,सुरेगाव येथील पुरुष वय-५८,जेऊर पाटोदा येथील पुरुष वय-४६ आदिंचा समावेश आहे.कोरोना मृत्यूचे तांडव आता गल्ली बोळात आता गोंधळ घालु लागले असल्याचे निदर्शनास येऊ लागले आहे त्यामुळे शहर व तालुक्यात भीतीचे वातावरण पसरले आहे.

दरम्यान कोपरगाव शहर व तालुक्यात मोठ्या प्रमाणात मृत्युदर वाढला असून कोरोनाचे रुग्ण हि मोठ्या प्रमाणात वाढले असतानाही नागरिक सकाळच्या आठ ते अकरा वाजेच्या दरम्यान अत्यावश्यक सेवेबाबत अनावश्यक गर्दी करताना दिसत आहे,त्यामुळे आता पोलिसांना आपल्या हातातील काठीच्या मुठी आवळण्याची गरज निर्माण झाली आहे तर दुसरीकडे रुग्णांना तपासणीसाठी कोरोना किट उपलब्ध नाही.या शिवाय नागरिकांना देण्यात येणारी लस अद्याप उपलब्ध नसल्याने नागरिकांत अस्वस्थता दिसून येत आहे.